Belgjikë, alarm për bombë në dy avionë në aeroportin Zaventem

Një alarm për bombë është dhënë në aeroportin Zaventem në Belgjikë. Mediat shkruajnë se alarmi për bombë është dhënë në dy avionë.

Rreth orës 19:30 të ditës së sotme, transmetuesi belg VRT raportoi se alarmet për praninë e eksplozivëve kishin të bënin për dy avionë që do të uleshin në aeroportin e kryeqytetit.

I njëjti burim ka saktësuar se prokurorët federalë i kanë marrë sinjalizimet seriozisht dhe se kanë nisur verifikimet e kërcënimeve. Kryeprokurori i Belgjikës ka deklaruar se kërcënimi është mjaft serioz.

(gazeta-Shqip.com)