Trump “ndez” diplomacinë globale: Armëpushim 10-ditor mes Izraelit dhe Libanit, synohet marrëveshje historike paqeje
Ish-presidenti amerikan, Donald Trump, ka bërë një njoftim të bujshëm, duke deklaruar se Izraeli dhe Libani kanë rënë dakord për një armëpushim 10-ditor, që pritet të hapë rrugën drejt një marrëveshjeje më të gjerë paqeje.
Sipas tij, armëpushimi do të hyjë në fuqi në orën 17:00 sipas kohës së bregut lindor të SHBA-së, ndërsa theksoi se ky është vetëm hapi i parë drejt një zgjidhjeje afatgjatë në një nga rajonet më të tensionuara në botë.
Trump zbuloi gjithashtu se delegacione nga të dy vendet janë takuar në Washington, D.C. për herë të parë pas 34 vitesh, në një zhvillim që ai e cilësoi si historik, nën praninë e sekretarit të Shtetit, Marco Rubio.
Në një deklaratë me tone triumfuese, ai bëri të ditur se ka angazhuar zëvendëspresidentin J. D. Vance dhe drejtues të lartë ushtarakë amerikanë për të ndërmjetësuar një marrëveshje përfundimtare.
“Ishte nder për mua të zgjidhja 9 luftëra në botë. Kjo do të jetë e dhjeta – le ta bëjmë,” u shpreh Trump, duke rritur pritshmëritë për një zhvillim të madh diplomatik.
Ky armëpushim shihet si një kthesë potencialisht historike në Lindjen e Mesme, ndërsa mbetet për t’u parë nëse do të shndërrohet në një marrëveshje të qëndrueshme paqeje mes palëve.
Burimi/Facebook/Gazeta E Albania
Leave a Reply