REAGIM DHE KËRKESË PËR DEMANTIM DHE SQARIM PUBLIK👇
Në lidhje me prononcimin e publikuar me titullin “Nëse i dënojnë çlirimtarët tanë, 50 luftëtarë veteranë do të futemi brenda në Gjykatë”, në cilësinë e njërit prej 50 veteranëve pjesëmarrës në 👇
Marshin Prishtinë ,Hagë, dëshirojmë të japim këtë reagim dhe sqarim publik.
Marshi ynë, i nisur më 12 shtator 2026 nga Prishtina drejt Hagës, kishte një qëllim të qartë dhe të përcaktuar: të shprehim në mënyrë paqësore, dinjitoze dhe të përgjegjshme mbështetjen tonë për ish-pjesëtarët dhe drejtuesit e UÇK-së që po përballen me procesin gjyqësor në Dhomat e Specializuara të Kosovës në Hagë.
Gjatë gjithë rrugëtimit tonë kemi vepruar me përgjegjësi, disiplinë dhe respekt ndaj ligjit dhe institucioneve të vendeve nëpër të cilat kemi kaluar. Për shkak të kufizimeve të ndryshme të lëvizjes, në disa raste kemi ndjekur itinerare më të gjata, por kjo nuk e ka ndryshuar në asnjë moment karakterin dhe qëllimin paqësor të marshimit tonë.👇
E DEMANTOJMË DHE ATE PJESË GJOJASE NE KEMI PATUR PRIBLEME ME KUFIRIN NË BARI,QË NUK QENDRON FARE,
Dhe tjetra ne nëpër kufirin në traget në Bari kemi kaluar siq ishte më sëmiri
POASHTU NË HOLAND POLICIA NA NDEROJ E NUK NA KONTROLLOJ,DHE NA UROJ SUKSESE!
Me të mbërritur në Holandë, më 16 shtator 2026, ne kemi zhvilluar aktivitetin tonë në afërsi të Gjykatës dhe kemi përcjellë mesazhin tonë në mënyrë të qetë dhe dinjitoze.
Po ashtu, dëshirojmë të theksojmë se gjatë qëndrimit tonë kemi pasur mirëkuptim dhe komunikim korrekt me autoritetet policore të Hagës, të cilat na uruan sukses dhe një zhvillim pozitiv të aktivitetit tonë.👇
DISTANCIM NGA ÇDO KEQINTERPRETIM
Ne, 50 luftëtarët veteranë pjesëmarrës në këtë marshim, distancohemi qartësisht nga çdo deklaratë apo formulim që mund të interpretohet si kërcënim, përdorim force, cenim i rendit publik apo hyrje me forcë në ambientet e institucioneve gjyqësore.👇
Një qëndrim i tillë nuk ka qenë pjesë e agjendës, qëllimit apo vendimmarrjes së Marshit Prishtinë,Hagë.
Edhe në rrethanat kur më 16 shtator 2026 u komunikua një vendim i pafavorshëm për çështjen që ne kemi ndjekur me shqetësim, qëndrimi ynë ka qenë dhe mbetet i orientuar drejt shprehjes paqësore të solidaritetit, respektimit të ligjit dhe ruajtjes së dinjitetit të luftëtarit.👇
Për këtë arsye, çdo deklaratë e cila mund të krijojë përshtypjen se 50 veteranët kanë pasur qëllim të hyjnë me forcë në ambientet e Dhomave të Specializuara, të cenojnë institucionet apo të prishin rendin publik, nuk përfaqëson qëllimin dhe qëndrimin tonë.👇
KËRKESË PËR DEMANTIM DHE SQARIM
Nëse prononcimi i publikuar është keqinterpretuar, është nxjerrë jashtë kontekstit ose nuk e pasqyron saktë atë që është thënë, kërkojmë nga mediumi/RTV-ja që e ka publikuar, si dhe nga personi i cituar, të bëjnë sqarimin dhe, sipas rastit, demantimin publik të këtij informacioni.
Kjo kërkesë bëhet me qëllim që të mos dëmtohet puna, mesazhi dhe qëllimi për të cilin 50 luftëtarët veteranë u nisën nga Prishtina drejt Hagës.👇
Për ne, imazhi i luftëtarit, kredibiliteti dhe dinjiteti i tij janë mbi çdo deklaratë individuale. Ne nuk kemi ardhur në Hagë për të provokuar, kërcënuar apo cenuar askënd. Kemi ardhur nga Toka Dardane, me një mesazh të qartë solidariteti dhe mbështetjeje për bashkëluftëtarët tanë.👇
Ky reagim nuk bëhet për përplasje me askënd, por për sqarimin e së vërtetës, ruajtjen e dinjitetit të 50 veteranëve dhe mbrojtjen e qëllimit të pastër të këtij marshimi.👇
Ne besojmë se edhe qëndrimet më të forta mund të shprehen me qetësi, përgjegjësi dhe dinjitet, duke respektuar ligjin dhe institucionet.👇
Ne jemi këtu për të përcjellë një mesazh:
Paqe. Dinjitet. Përgjegjësi. Solidaritet.👇
🇦🇱 Luftëtari për Luftëtarin
Reagimi bëhet nga 50 luftëtarët veteranë pjesëmarrës në Marshin Prishtinë,”Hagë, të nisur më 12 shtator 2026 nga Prishtina.👇
Me mirëkuptim dhe respekt,
50 Luftëtaranët ,Luftltarumi për luftëtarin,🇦🇱🇦🇱
17.09.2026
Burimi/Facebook
Leave a Reply