Ishte një nder i madh për mua, në cilësinë e Këshilltarit të Deleguar për Politikat e Integrimit, të mirëprisja në Bashkinë tonë Ansamblin Artistik “Hazis Ndreu” Nderi i Kombit, të udhëhequr nga koreografi Avni Ndreu “Mjeshtër i Madh”. Grupi ndodhet në Itali si mysafir i veçantë i Festivalit Ndërkombëtar të Folklorit Aviano-Piancavallo, dhe dëshirojmë t’i falënderojmë nga zemra që gjetën kohën për të na vizituar dhe për t’i kushtuar vëmendje bashkisë sonë.
Bashkë me Kryetarin e Bashkisë, Massimo Piccini, të cilin e falënderoj përzemërsisht për ndjeshmërinë dhe mikpritjen e shkëlqyer, hapëm dyert e Shtëpisë Bashkiake për këta artistë të jashtëzakonshëm, për të festuar miqësinë mes popujve tanë.
Pas momentit zyrtar, dita vazhdoi në një atmosferë të madhe feste në shtëpinë time. Ndamë një koktej mes të qeshurave, tregimeve dhe gëzimit për të qenë së bashku. Për ne shqiptarët mikpritja është e shenjtë: bukë, kripë e zemër të bardhë. Shtëpia ime është dhe do të jetë gjithmonë shtëpia e të gjithëve.
Çdo anëtar i grupit shprehu fjalë mirënjohjeje të thellë jo vetëm për Kryetarin e Bashkisë për mikpritjen zyrtare, por edhe për mua dhe bashkëshorten time për ngrohtësinë dhe dashurinë me të cilën i pritëm. Një falënderim i veçantë shkon për vajzën time, e cila bashkë me ne ndan këto vlera të hapjes, dhe për mikun tim Edmond Zylfo, i cili ishte i pranishëm sot në këtë takim të bukur dhe është gjithmonë pranë meje në rrugëtimin tim.
Dëshiroj t’i falënderoj nga zemra koreografin Avni Ndreu dhe të gjithë grupin që më dhuruan këto momente gëzimi të madh, emocioni dhe ndarjeje, si në Bashki ashtu edhe në shtëpinë time. Për kulturën tonë, mikpritja e një miku dhe mbajtja e fjalës së dhënë janë gjëra të shenjta. Ju falënderoj me gjithë zemër që ishit mysafirët tanë dhe që e mbushët këtë ditë me emocione kaq të sinqerta.
Gjeste të thjeshta, autentike dhe të sinqerta si këto janë themelet e vërteta të integrimit dhe miqësisë mes komuniteteve
Burimi/Facebook
Leave a Reply