1. Hapi siparin e prezantimit Centro Culturale ODA, themeluar ca javë më parë në qytetin Brescia, Itali. Pas përgatitjeve me ngulm dhe publikimit të ditës së prezantimit, erdhi momenti. Shumë nga bashkëkombasit tanë, të dielën e 6 tetorit 2024 vendosën ta kalojnë në atmosferën e daljes së parë në publik të protagonistëve, ndoshta, pa ditur plotësisht se protagonistë do të ishin vetë pjesëmarrësit. Grupi i Punës kishte përgatitur në kohë gjithçka duhej për mbarëvajtjen dhe sistemimi në sallë erdhi krejt natyrshëm.
2. Direkt në evidencë profesionalizmi i regjizores. Sugjeroi që të bëjmë një nisje të fortë. Ashtu u bë. Me kitarë në dorë para publikut dhe para mikrofonit doli artisti arbresh Mimmo Imbrogno, i mirënjohur nga komuniteti ynë, i cili kishte ardhur me bashkëshorten. Dy këngët e tij u shoqëruan nga kori i fuqishëm dhe duartrokitjet adhuruese. Jeta Ayroldi, një nga më aktivet në përgatitjen e aktivitetit, nisi ceremoninë me me ton dashamirës, me konfidenca me gjuhën italiane, me klas. U drejtoi përshëndetjen dhe mirëseardhjen të pranishmëve, shoqatave prezente, artistëve dhe autoriteteve. Me ton të zjarrtë përshëndeti në gjuhën shqipe gjithë sallën Sekretari i Qendrës Kulturore, Edmir Çekrezi. Ai u tha të pranishmëve që Oda merr jetë, merr vlera kur në të vjen një publik i motivuar. Ndërkohë na ftoi të gjithë në momentin solemn që të dëgjonim e këndonim së bashku Himin Kombëtar.
3. Edhe pse nisjen e preferoi të fortë, fjalën e saj e nisi butë. Me fjalën e saj të mençur prej intelektualje, me forcën depërtuese prej artistje, më ëmbëlsinë prej femre ideale, përshëndeti dhe shprehu gjithë kënaqësinë për publikun e pranishëm. Me pak fjalë, Presidentja e Centro Culturale ODA, regjizorja Valbona Xibri, shpalosi synimet kryesore dhe pikat orientiuese ku do të konsistojë puna e Qendrës Kulturore.
– Ne do të respektojmë në maksimum çdo organizim shoqëror dhe çdo vlerë kulturore që vjen nga puna e tyre. Dora e bashkëpunimit do të jetë e shtrirë dhe dera e Odës do të jetë e hapur për të gjithë, – vazhdoi ajo.
Më pas prezantoi të gjithë anëtarët efektivë të Cenrto Culturale ODA, duke paraprirë me një skedë të shkurtër për secilin dhe cilësimin e profesionit e personalitetit të tyre.
4. Kurorëzimin e përpjekjeve prej vitesh për të pasur në Brescia një qendër kulturore e mundësoi grupi i imprenditorëve që u angazhuan drejtpërdrejt. Ata mund të gëzonin frutet e zgjuarsisë dhe punës së tyre në qetësi. Por vlerësimi i tyre ishte ndryshe. Të motivuar nga ndjenja e patriotizmit, nga ndjenja e fisikërisë, nga largpamësia, ata u angazhuan menjëherë dhe zbritën në fushë. U krijua baza legale dhe përkushtimi i tyre u pa që ditën e themelimit. Janë idetë e tyre që çuan në këtë aktivitet me përmasa të tilla. Veç ideve, janë edhe mbështetja e logjistikës dhe, me bujarinë e shqiptarit, sponsorizuan që Odës t’i ndihet ushtima.
5. Për moderimin u angazhuan porf. Rajmonda Mara, e njohur për publikun si profesore letërisë për disa vite në vendlindje dhe e gjuhës në emigracion tek shkolla “Mësonjëtorja”, si protagoniste tepër aktive, si provuese profesionale, si moderatore në një Radio, si hartuese e programit të veprimtarive me vlera të sipkatura. Këtë radhë partner pati një personazh të njohur për komunitetin tonë. Artan Bashli është djal shkodran që ka studiuar këtu. Si djal i përkushtuar për anën profesionale dhe prej vitesh ka një studio legale si avokat, ka gjetur forca e motive t’i përkushtohet prej vitesh lëvizjes kulturore në zonën ku jetojmë. Këtë radhë i ra “zari” të jetë moderator me Mondën. U munda ta shmangte këtë dalje para publikut, por pa ia arritur. Atëherë iu fut një pune të gjatë parapërgatitore dhe rezultati u pa. Një dyshe spektakolare i dha jetë e gjallëri gjithë aktivitetit. Kjo tregon se personi, duhet vënë në provë, që të tregojë vlerat që ka. I shkathët në improvizime dhe i zhdërvjellët në vallet.
6. Tregojnë se shtatë ditë rrugëtuan Asdreni dhe Lazgushi nga juglindja e Shqipërisë, për të shkuar në verilindje të Shqipërisë, në Shkodër, për të takuar kolegun e tyre në art, Gjergj Fishtën. Ky ka mbetur si shembull i shprehjes së vullnetit që ka njeriu, të realizojë atë që ka pasion. Këngëtarja Mariana Daçi ka ndërmarrë për herë të dytë rrugën për të qenë e pranishme dhe për të lënë gjurmën e saj në aktivitetet tona. Po kaq aventura e kanë shoqëruar. Ndoshta kësaj here, pak më shumë, për të ardhur nga Viareggio, mbi 250 km ardhje e po kaq kthim. Sa ishin mundimet e saj, aq ishte kënaqësia që i dha publikut.
Artisti i pasionaur Anton Mirditori, që ditën që mori ftesën për të na nderuar me pjesëmarrjen e tij, u vu në lëvizje si për logjistikën, si për mënyrën e organizimit. Iu drejtua mikut të tij Petrit Rrucaj dhe si burrat që kishte dikur oda iu bashkua misionit. Dëshiroj të shtoj se, po të ishin punë personale, do të ishin ndalur. Por duke vënë forcën e pasionit dhe dashurinë e paanë për miqtë e publikun, nuk e ndalën vrulline tyre. Kujtojmë se çdo minutë kushton, çdo metër lëvizje kushton. Po jo për ata që kanë pasion.
7. Rinia … Gjëja më pozitive që u pa në pjesëmarrje ishte fakti që shumica ishin rini. Mes tyre ishte këngëtari Met Xhaferri, i cili këndoi, u pëlqye dhe u duartrokit shumë. Një vajzë e re, Sara Marku, shembulli i vjazës shqiptare që ka studiuar e marrë kulturë këtu ku jetojmë, një mbështetje dhe siguri për Odën, mori fjalën dhe u drejtoi thirrjen të rinjve që t’i bashkohen lëvizjes shoqërore e kulturore.
8. Momente të këndshme sollën përshëndetjet. Ndër të tjerë, përshëndeti mbajtësi i titullit i cili jepet në raste shumë të rralla “Cavaliere in merito della Republica Italiana”, Petrit Kozeli. Fjalë përgëzuaesi përcolli Drejtori i Qndrës Kulturore simotër Sllow Mill në Milano, ing. Alban Gjata që erdhi mes nesh me djalin student për për t’u bërë inxhinier si gjyshi, si mmami e si babi. Në këtë rast dhuroi disa libra e dorëzoi tekstet për nxënësit e shkollës “Mësonjëtorja”. Nën valët e entuziazmit përshëndeti Këshilltarja e Provincës Brescia, dr. Suela Plaka. Moment tepër të bukur solli në sallë prania e një çifti që kishin ardhur nga Rovereto. Në fjalën e saj përshëndetëse, porf. Nereida Xhakolli, e veshur me kostum kombëtar, përgëzoi nismën e bukur dhe kujtoi me emocion krijimin e Odës së parë më 2012 nga vetë ajo dhe një zonjë nga Kosova. Në Odë ka krijuar një koleksion të pasur me veshje tradicionale nga gjithë trevat shqiptare. Gjatë prezantimit, u tha një shprehje e bashkëshortit të saj Renzo Bonafini. Gjatë një interviste, pyetjes se sa e ndien veten shqiptar, ai qe përgjigjur:
– Vetëm pasi u bashkova me Nereidën dha ju njoha ju, e kuptova se paskan qenë përherë shqiptar. Përshëndeti me konsiderata të larta për komunitetin tonë dhe prezantoi një tatuazh simbolik. Ndaj kostumi i Beratit bëri efekt. Avokati moderator përshëndeti të gjitha çiftet italo-shqiptare, ndër ta dhe të zotët e restoranti. Pastaj i dha fjalën kolegut të tij në profesion, avv. Giuseppe Ayroldi, i cili përcolli fjalën e tij të mençur e entuziazmin e brendshëm në respekt të familjes së tij italo-shqiptare.
9. Në këtë prezantim u pa një protagonizëm i paparë ndonjëherë në këto anë. Shumë imprenditorë të pranishëm (kërkoj ndjesë që nuk kam numrin e saktë) u angazhuan menjëherë që t’i bashkohen projektit për të bërë Odën siç e meriton komuniteti ynë këtu. Shumë persona dhuruan diçka për Odën dhe mirënjohja jonë për ata ndihet thellë. Artisti i kompletuar Gegë Tuci, veç bashkimit me nismën e imprenditorëve (sipërmarrësve), shprehu gojarisht e, së shpejti, do të zyrtarizojë bashkëpunimin e shoqatës kulturore internacionale “Zëri i Arbrit” me Odën.
10. Në fund të aktivitetit intensiv, bërthama e Odës e përbërë nga shumica e anëtarëve, bëmë një takim flash në të nxehtë. Shikonim njëri-tjetrin dhe në fytyrat e secilit shihej një gëzim i brendshëm dhe një tis habie. Aktiviteti, për të gjithë, i tejkaloi pritshmëritë. Dyqind e katërmbëdhjetë persona morën pjesë në event. Tetëdhjetë e tetë është numri i të anëtarësuarve të rinj. Objektivi për ta bërë Centro Culturale një lëvizje të fuqishme, ka nisur.
Dikush tha:
– Për kuptuar si shkoi prezantimi, mjafton të marrim me vete shikimin adhurues të syve që shkëlqenin, të pjesëmarrësve …
Burimi/Facebook
Leave a Reply