Zekerija Z. Idrizi: pjesë nga dorëshkrimi im “Portrete shkrimtarësh”
Ka vite që njihemi me poetin e mirënjohur vitias Zymer H. Haliti. Jo rrallë herë i kam lexuar dhe shijuar perlat e tij poetike, që janë mjaftë mbresëlënëse në pikëpamje semantike dhe estetiko-letrare.
Zymeri është i lindur më 30.10.1960 në fshatin Tërstenik të Vitisë, ku kreu edhe shkollën fillore. Gjimnazin e mbaroi në Viti, ndërsa studimet i vazhdoi në Universitetin e Prizrenit, ku diplomoi me sukses të shkëlqyeshëm në degën: Gjuhë dhe Letërsi shqipe.
Tani e 32 vite punon si mësimdhënës i gjuhës shqipe në SHFMU “4 Prilli” në Zllatar të Ferizajt.
Me shkrime ka filluar të merret nga shkolla fillore dhe e mesme, ku poezitë e para i botoi në Rilindjen për femijë,në revisten “Zëri i Rinisë” dhe në gazetën “Bota e Re”.
Deri tani poezitë e tij janë publikuar në shumë gazeta online dhe portale shqiptare, duke u shperblyer edhe me mirënjohje, çertifikata dhe falënderime.
Është i përfshirë me poezitë e tij në disa antologji poetike në Kosovë, Shqipëri dhe jashtë në diasporë.
Deri tani ka botuar tre libra me poezi, ndërsa librin e katërt e ka në përfundim e sipër. Librat e tij janë:
– “Agdrita e vonë”
– “Grafite në murin e kohës”
dhe
– “Botë e përhirtë”
Në poezitë e tij objekt vargëzimi janë: dashuria ideale-platonike, atdhedashuria dhe çështjet socio-shoqërore.
Zymeri është anëtar te Lidhja e Shkrimtarëve e Kosovës dhe kryetar i Klubit Letrar “Pena e artë” në Viti. Në këtë kontekst ai është organizator i shumë eventeve dhe promovimeve letrare në Kosovë.
Uroj nga zemra që ky poet zëarbëror të ketë shëndet dhe suksese të shumta në rrafshin e krijimtarisë letrare!
Me respekt të veçantë, atdhetarisht:
Zekerija Idrizi
Berlin/Shkup
Burimi/Facebook/KRIJIME NË POEZI DHE PROZË
Leave a Reply