Të dielën në moshën 87 vjeçare, vdiq ish-senatori amerikan, Richard Lugar.
Ish senatori republikan nga Indiana, ka shërbyer në Senatin amerikan nga viti 1977 deri në vitin 2013. Pra se të bëhej senator, ai kishte shërbyer për tetë vjet si kryetar i Indianapolisit.
Pas largimit nga senati në vitin 2013, ai themeloi Qendrën Lugar, puna e së cilës është e përqendruar në mospërhapjen e armëve.
Një personalitet me autoritet edhe në politikën e jashtme amerikane, senatori Lugar ishte mbështetës i ndërhyrjes së NATO-s njëzet vjet më parë në Kosovë, udhëheqësit e të cilës e cilësuan e vlerësuan si mik të madh të saj.
Presidenti i Kosovës, Hashim Thaçi, shkroi në rrjetet sociale të dielën se “ai bëri shumë për Kosovën, në ditët më të vështira për popullin tonë. Ishte një prej zërave më të mëdhenj pro intervenimit të NATO-s dhe një mbështetës i pavarësisë sonë. Do ta ruajmë përjetësisht kujtimin për të!”
Hashim Thaçi
✔
@HashimThaciRKS
Very sorry to hear former Senator Richard Lugar has passed away. We cherish his great contribution to keep #Kosovo high on agenda of US Congress and government – both in time war and during the nation-building phase. Rest in Peace Sen @dicklugar. Condolences to family & friends.
24
8:55 PM – Apr 28, 2019
Twitter Ads info and privacy
See Hashim Thaçi’s other Tweets
Kryeministri Ramush Haradinaj, tha se “Kosova sot ka humbur një nga miqtë e saj të shquar, ish-Senatorin amerikan nga Partia Republikane Richard Lugar, mbështetësin e madh të pavarësisë sonë. Shqiptarët do t’i jenë mirënjohës përjetë përfaqësuesit të shtetit Indiana në Senat, Lugar, i cili së bashku me John McCain përkrahu Presidentin Bill Clinton për intervenim kundër Serbisë, për ta parandaluar gjenocidin në Kosovë”.
View image on Twitter
View image on Twitter
Ramush Haradinaj
✔
@haradinajramush
#Kosovo has lost today one of its most prominent friends, fmr #US Senator #RichardLugar, a great supporter of our independence. We will always remember Sen. #Lugar’s support to launch airstrikes against #Serbia to prevent genocide in #Kosovo. RH
33
10:32 PM – Apr 28, 2019
See Ramush Haradinaj’s other Tweets
Twitter Ads info and privacy
Ndërsa, kryetari i parlamentit të Kosovës, Kadri Veseli, shkroi se “Shtetet e Bashkuara të Amerikës kanë humbur një burrështetas të kalibrit ndërkombëtar, senatorin Richard Lugar, i cili ka pasur rol protagonist në politikën e jashtme të këtij vendi, duke e bërë botën më të paqtë e më të sigurt. Mirëpo, për ikjen e tij, sot është e pikëlluar edhe Kosova, që te senatori Lugar ka gjetur për dekada me radhë një mik të sinqertë e të përkushtuar, i cili na është gjetur në vështirësi e nevojë. Mbështetja dhe zëri i tij i fuqishëm ishte një rreze e fortë drite për popullin tonë në kohët më të errëta. Ai do të mbetet përherë në kujtesën tonë si një fisnik që është përpjekur ta bëjë këtë botë më të mirë dhe i mbetemi përherë borxhlinj për ndihmën që na ka dhënë”, shkroi ai.
Burimi/Zeri i Amerikes
Leave a Reply