Egla akuzon ish-burrin: E dashura jote më kërcënon në telefon

Përballja LIVE, ish-vjehrra: Nipi sheh filma porno me gjyshin

TIRANE– Padyshim që historia e tyre bëri xhiron në rrjetet sociale, ku ish-vjehrra u përball live në një emision televiziv me ish-nusen, ndërsa ziheshin për kujdestarinë e djalit.

Ndonëse kanë kaluar disa muaj, historia e Elgantinës nga Kuçova dhe ish-vjehrrës së saj, Natasha, vjen sot në emisionin ‘Me zemër të hapur’ në ‘News24’.

Natasha është përballur live me ish-nusen e djalit, ndërsa ka vijuar me dozën e fortë të akuzave për familjen e Elgantinës. Gruaja nga Saranda pretendon se nipi i saj, i cili tashmë është nën kujdestarinë e nënës së tij, dhunohet nga babai i Eglantinës. Madje ajo shkon edhe më tej, ndërsa shton se gjyshi sheh filma porno në sy të vogëlushit, shkruan ‘BalkanWeb’.

“Për tërë gushtin e kam marrë Argentinin. Ndërsa për tërë vitin e marr në total 12 orë. Nip im dhunohet nga gjyshi i tij. Ai ka treguar se gjyshi e rreh. Ai tregon se ka frikë nga ai, dhe se e rreh nënën e tij, Eglantinën. Babai i Eglantiës rreh edhe gruan. Madje u nxjerr edhe thikën. Gjyshi sheh filma porno në sy të nipit. Djali është i traumatizuar, nuk bëri një ditë plazh. Kërkuam urdhër-mbrojtjeje. Por prokuroria e rrëzoi kërkesën. Dua t’ju them se Argentini duket sikur është 20 vjeç nga ana e zhvillimit seksual”, tha ish-vjehrra.

Nga kujdestaria tek kërcënimet dhe akuzat
Eglantina e fitoi kujdestarinë edhe në Apel, pas Shkalles se Pare, 13 maj në Gjirokastër ne 2017. Pak pas vendimit Egla i ka telefonuar ish-bashkëshortit për të shkuar ta merrte djalin, pasi në seancë ishte vetëm ish-vjehrra. Por ajo është përballur me kërcënime, ndërsa ai është shprehur djalin nuk do ta sillte kurrë. Pasi u hap me këtë kërcënim, Egla bëri një kallëzim për mosrespektim të vendimit te gjykates. Vetëm pas 2 ditësh djali iu dorëzua në polici nga babai.

Në datën 14 qershor vajzën nga Kuçova e kanë lajmëruar se ish-burri kishte bere denoncim sikur e ëma dhunonte djalin. Pavarësisht pretendimit të tij, Gjykata rrezoi pretendimet e Armandos (ish-burrit) pasi nuk kishte asnjë provë. Në datën 10.10.2017 kanë dërguar një letër në të gjitha institucionet ku thuhej se Egla nuk e lejon të takohet me fëmijën dhe djali është i dhunuar. Kërcënimet telefonike i ka çuar në prokurori. Natasha pasi i ka kërcënuar nëne e bijë në 22 mars 2018 ka pretenduar se është fyer dhe dhunuar nga Egla dhe e ëma.

Egla ka fituar një urdhër mbrojtje 3 mujor, por Armando e ka thyer nuk e ka respektuar. Sakaq, në 23 gusht paraqitet në polici vjehrra pas 23 ditësh që djali qëndronte me pushime tek ata, dhe thotë; pyeteni këtë fëmijë se ka një hall të madh. Të dy, nënë e bir kanë kërkuar me insistim që Egla të largohej bashkë me djalin nga banesa e babait. Por kjo e fundit nuk ka pranuar një kusht të tillë.
(ed.me/BalkanWeb)
—————————————————–
Egla akuzon ish-burrin: E dashura jote më kërcënon në telefon

TIRANE- Debate dhe akuza, ngritje zëri, gati në shpërthime kanë shoqëruar ditën e sotme emisionin ‘Me zemër e hapur’ në ‘News24’. Ish-burri është përballur me ish-gruan, në pranë të nënës së tij, ndërsa ‘mollë e sherrit’ është bërë djali i tyre 5-vjeçar.

Armando tregoi se me Eglën ishte njohur në ‘Facebook’, ndërsa lidhja mes tyre kishte nisur si aventurë. Po ashtu ai vijoi me akuzat, duke shtuar se babai i Eglantinës dhunon djalin e tij.

“Djali im është i dhunuar. Unë e njoh djalin tim. Ata e dhunojnë. Madje kur jetoja me Eglën, babai e ka qëlluar atë dy herë me pëllëmbë. I ka thënë; ‘të dhashë shkollë, ti më bredh rrugëve’. Unë me Eglantinën jam njohur në ‘Facebook’. Ajo më bëri ftesë e para. Folëm pak kohë. Nuk e kisha nisur për seriozisht, e shihja si femër për të kaluar kohën, si gjithë meshkujt. Djali është dhunuar psikologjikisht edhe fizikisht. Tek fëmija vë re që ka diçka, se ai thotë vazhdimisht; gjyshi e rreh mamin, kur ajo vjen vonë në shtëpi’. Fëmija im këtë e përjeton. Ka një vit e gjysmë. Shikon veprime të gjyshit ndaj nënës së tij. Djali më kërkon që të shikojë filma pornografik. Ai është shumë i zhvilluar për moshën e tij, është 5 vjeç dhe është i zhvilluar seksualisht. Djali më thotë; Babai kë të vras me thikë, gjyshin apo mamin? I them asnjë të keqen babi. Mirë thotë, ‘do vras veten’. Kur Eglantina mori kujdestarinë, u dorëzua edhe një raport ku tregohej se ai ishte shumë mirë. Fëmijën e dorëzova në komisariatin e Sarandës në 13 maj të 2017-ës”, tha Armando.

Nuk kanë munguar as akuzat e Eglantinës, e cila pohoi se Armando i nxjerr në telefon të dashurën e tij që hiqej si pediatre, ndërsa e ofendonte. Po ashtu ajo shokoi me deklaratën ndërsa tha se e dashura e ish-burrit puthte në buzë djalin e saj 5 vjeç.

“Zotëria, ka nxjerr në telefon vajzën që do dhe është hequr si pediatre dhe më ka thënë; pse e ke lënë fëmijën me 40?! Kercenon. Djali më merr në telefon dhe më thotë; ‘Mami jam me të dashurën e babit, të dashurën që unë e puth në buzë.’ Ti nuk duhet t’i afrohesh fëmijës me milimetra. Ti nuk dihet ti afrohesh (I kthehet ish-vjehrrës). Erdhi kjo zonja në polici dhe tha; merreni këtë fëmijë, se është psikopat”, tha Eglantina.
(ed.me/BalkanWeb)

————————————————————-
“I mituri rrihet nga gjyshi?”, nuse e ish-vjehrrë përballen live

TIRANE- “Babai im nuk e ka dhunuar kurrë djalin tim. Ai është krenaria ime. Të gjitha akuzat janë akuza për të më sulmuar mua që fitova kujdestarinë e djalit”.

Ky ka qenë rrëfimi i Eglantinës, një grua e re e divorcuar nga Kuçova, që prej disa kohësh po përballet me një kalvar vuajtjesh për të fituar kujdestarinë e djalit të saj, si dhe ‘luftën’ për ta mbajtur atë pas vetes.

E ftuar përball ish-vjehrrës së saj dhe ish-burrit të saj, Eglantina pohoi në emisionin ‘Me zemër të hapur’ në ‘News24’ se babai i saj kujdeset shumë për djalin e saj.

“I kërkoj ndjesë babait tim që po hidhet baltë mbi të. I them se; je krenaria ime. Këto janë shpifje ndaj tij, pasi po kërkon të hakmerret me mua se fitova kujdestarinë. Më ke kërcënuar, madje kanë shpikur shumë gjëra. Babain e mbroj se është krenaria ime. Djali u vra pak tek dora dhe kjo mori në telefon policinë dhe tha djali është dhunuar”, tha Eglantina, shkruan ‘BalkanWeb’.
(ed.me/BalkanWeb)