Edi Rama nuk qeveris më Shqipërinë. Ai e administron si pronë personale. Dhe Sazani ishte prova përfundimtare e kësaj të vërtete të hidhur.
I izoluar ndërkombëtarisht, i refuzuar nga Uashingtoni dhe i ekspozuar nga dosjet amerikane, Rama tentoi aktin e fundit të shpëtimit politik: t’i hidhte Sazanin në prehrin e Jared Kushnerit, me shpresën naive se familja Trump blihet me ishuj shqiptarë.
Propaganda ishte qesharake: “turizëm elitar”, “investitor strategjik”, “zhvillim”. Në realitet, ishte një akt i rëndë shitjeje sovraniteti. Një ishull me rëndësi strategjike u përdor si bakshish politik për të larë biografinë e një Kryeministri të konsumuar dhe të damkosur.
Rama veproi si sundimtar feudal, jo si kryeministër. Pa parlament, pa debat publik, pa transparencë. Shqipëria u trajtua si pronë private, ndërsa Sazani si plaçkë personale për pazare personale.
Por realiteti e goditi brutalisht. Kushner u tërhoq. Dhe me të u shemb gjithë teatri i Ramës. Tërheqja ishte mesazh politik: Rama nuk vlen. Rama nuk është partner. Rama është barrë.
Administrata Trump nuk e pranoi. Nuk e takoi. Nuk e njohu. Nuk e konsideroi. Asnjë shtrëngim duarsh. Asnjë foto. Asnjë komunikim. Një Kryeministër i padukshëm për SHBA-në.
Pse? Sepse politika Trump është e drejtpërdrejtë dhe brutale:
• zero tolerancë për narkoshtetet,
• zero tolerancë për krimin e organizuar,
• zero tolerancë për pastrimin e parave,
• zero tolerancë për manipulimin e zgjedhjeve.
Shqipëria e Ramës është antiteza e kësaj politike.
Nuk është aspak rastësi që largimi i Kushnerit ndodhi paralelisht me avancimin e dosjeve McGonigal dhe Sinaloa. Dosje ku Shqipëria përmendet si problem sigurie. Dosje ku Rama del si nyje politike në një sistem të kalbur që kërcënon interesat e SHBA-së dhe NATO-s.
Rama e di këtë. Prandaj hesht. Prandaj shmang. Prandaj fshihet pas propagandës. Ai nuk mund të dalë kundër arkitektëve të vërtetë të pushtetit të tij – rrjeteve që e ngritën, e pasuruan dhe e mbajtën në pushtet përmes deformimit të votës dhe kapjes së shtetit.
Sot Rama nuk është më lider. Është një problem politik. Një rrezik institucional. Një figurë që po e paguan çmimin e arrogancës, mashtrimit dhe shitjes së interesit kombëtar.
Moralin e ka humbur. Legjitimitetin e ka shkatërruar. Dhe ora e drejtësisë ka nisur të trokasë.
Historia është e pamëshirshme me ata që shesin vendin për të shpëtuar veten. Askush nuk është i përjetshëm. Askush nuk është mbi ligjin. Dhe askush nuk shpëton kur mendon se ka kapur gjithçka.
Për Edi Ramën, kjo nuk është më paralajmërim.
Është fundi i një cikli.
Kujdes spiunët
Burimi/Facebook
Leave a Reply