Presidenti ukrainas Volodymyr Zelensky deklaroi se plani i ri i propozuar për paqe, i cili po diskutohet me SHBA-në dhe vendet evropiane, përfshin tashmë “pikat e sakta”, por çështjet më delikate do të trajtohen drejtpërdrejt me Presidentin amerikan Donald Trump.
Në adresimin e tij të mbrëmjes, Zelensky tha se pas bisedimeve në Gjenevë, numri i pikave të diskutimit është reduktuar dhe shumë elementë të rëndësishëm janë futur në kornizën e re. Ai theksoi se procesi për hartimin e dokumentit final do të jetë i vështirë, duke falënderuar vendet partnere për ndihmën dhe SHBA-në për qasjen konstruktive.
Zelensky paralajmëroi se Rusia do të përpiqet të sabotojë procesin e paqes dhe u kërkoi ukrainasve t’i kushtojnë vëmendje alarmëve të sulmeve ajrore, pasi rreziku mbetet i lartë.
Ai theksoi se gjatë negociatave nuk duhet të ketë sulme raketore apo goditje masive ndaj Ukrainës, një gjë që sipas tij, mund të sigurohet vetëm nga aktorët e fuqishëm ndërkombëtarë.
Burimi/Facebook/Besainfo Ch
Leave a Reply