Kur e vërteta nuk është e lirë, lirija nuk është e vërtatë; sepse lirija dhe e vërteta është binomi i madh i jetës shoqërore në një shtet demokratik.
Por…
Liri pa kurajo drejt së vërtetës nuk ka. Por edhe kurajoja pa mendim dhe intelekt të qartë nuk është me vlerë.
E vërteta do guxim të lartë qytetar që kjo të shprehet botërisht në një shtet të pavarur.
Ne nuk mund ta ndajmë dot lirinë nga e vërteta, por shoqëritë vlerën e madhe e marrin nga pyetja: cili është raporti midis së vërtetës dhe gënjeshtrës në një shoqëri apo në një shtet të pavarur?
Që të jesh një shoqëri e lirë, ky raport duhet të jerë i drejtë me të vërtetën.
Dhe e vërteta kërkon guxim për ta shprehur, por të jep forcë të madhe morale pasi e ke shprehur, duke mos e llogaritur rrezikun.
Kurajo në shqip don të thotë guxim. Prandaj ne mund të pyesim:
Ku del në pah një guxim me intelekt të lartë?
Ky lloj guximi nuk ka shumë vlerë në mbrojtjen që ti mund t’i bësh jetës ose interesit tënd ekonomik, sepse ky, në thellësi të tij, është më shumë instinkt për vetëmbrojtje apo për ekzistencë.
Ajo që ka vlerë morale është fakti kur, guximi i një individi për të shpehur një të vërtetë, shfaqet shoqërisht në shtetin ku ai jeton.
Dhe është rasti kur ky del hapur me këtë mbrojtje në shtyp apo në ekran, duke marrë mbi vete rrezikun e qarqeve të fuqushme politike apo ekonomike të shtetit ku ai jeton.
Ja, pikërisht ky akt i guximshëm ka vlerë morale, dhe guximi vlen, sepse, për të mbrojtur një të vërtetë apo një interes të përgjithshëm shoqëror, një individ ka guxuar që të shprehet botërisht përpara opinionit publik, dhe ka marrë mbi vete të gjithë rrezikun që mund t’i vijë.
Sepse ky akt mund të cenojë pushtetin e një kryeministri apo ministri, ose të një kompanie të fuqishme në treg, të cilët i dëmton në imazh.
Por ka raste që edhe i rrëzon ata, kur një çështje e ngritur me kurajo nga një individi, e ka kthyer këtë si fakt në një çështje konkrete, sepse e vërteta, duke u kthyer në një akuzë publike, merr karakter të fuqishëm shoqëror.
Dhe kjo në fakt është liria e një personi të drejtë e të guximshëm, e cila i shërben historisë së një shoqërie të caktuar në funksion të zhvillimit kombëta dhe të lirisë shoqërore dhe të vërtetës.
Prandaj guximi qytetar për të thënë të vërtetën është një vlerë e veçantë që duhet të shfaqet hapur në çdo shoqëri, e cila i ka hyrë rrugës së lirisë, demokracisë dhe zhvillimit, në një kohë zhvillimi të pandërprerë.
Prandaj e vërteta…
Duhet të jetë gjithmonë e lirë, që vetë liria të jetë e vërtetë…
Burimi/Facebook
Leave a Reply