Nga Dr Adil MUSTAFA
Tirane 2-09-2024
Jam lindur e rritur në Maqedoni, saktësisht në Kërçovë, kam kryer studimet universitare në Kosovë, ekzaktësisht në Prishtinë, kam nisur të ushtroj profesionin e mjekut te Nëna Shqipëri në mes të Tiranës.
Kjo hyrje vetëm me tri fjali është argumenti më sublim për të thënë që në fillim se ne jemi një Komb unik. Historia, gjuha, traditat, zakonet, doket, kultura…etj, janë argumenta të pakontestueshëm që krijojnë mozaikun e qënësishëm të një kombi që padrejtësisht është ndarë gjeografikisht.
Kjo hyrje është e mjaftueshme për të trajtuar një çështje e cila kohët e fundit ka ngjallur një debat nga hiçi. Dikush me profesion aktor nga Kosova pati hedhur në statusin e tij në rrjetet sociale një shkrim se kinse këta të Shqipërisë qenkan xhelozë për ata të Kosovës!
Gabim fatal thjeshtë ta mendosh e jo më ta artikulosh.
Si fillim nuk ekziston as si koncept ne apo ata. Përkundrazi ne jemi: NJË KOMB, NJË GJUHË, NJË HISTORI. Gjithcka tjetër është marrëzi, është tendencë për shkërmoqje të kombit, është me apo vetëdije t’i shërbesh dikujt që është investuar që ta dëmtojë kombin shqiptar.
Për të treguar se shqiptarët pavarësisht padrejtësive, pavarësisht se është dashur të përballen me ekspansion, spastrim etnik dhe me gjenocid,asnjëherë në asnjë rrethana nuk janë mposhtur në percaktimet e tyre kombëtare.
Në këtë aspekt cdo tendencë për të devijuar nga përcaktimet kombëtare është e destinuar të dështojë.
Hyrjen e shkrimit e nisa në vetë të parë për një fakt të thjeshtë. Dmth për të qartësuar edhe njëherë se nuk ekziston asnjë lloj xhelozie, madje ndodh e e kundërta. Thjeshtë të rikujtojmë disa elementë që e bëjnë kombin tonë unik.
Në rrethana krizash, luftrash, apo paqe shqiptarët kanë qenë dhe mbetet Një. Nuk e kam parë vetëm asnjëherë të pëbuzur as në Prishtinë, as në Gjakovë, as në Prizren, nuk e kam parë vetën asnjëherë të pavlerësuar as në Tiranë, as në Korçë, as në Dibër etj. Në cdo cep ku flitet shqip janë ndier shqiptarë, jam vlerësuar e respektuar edhe si mjek edhe si shqiptar.
Thuhet lart e poshtë se Shqipëria na qenka xheloze se Kosova paska Dua Lipën, Rita Orën, Shaqirin, Xhakën e ku di unë se cfarë. Po është e vërtetë se këta dhe emra të tjerë janë përfaqsues fantastikë , por jo thjeshtë të Kosovës por të shqiptarisë, pra të kombit.
Kështu kanë qenë janë dhe do të mbetën emra emblematikë që kanë korrur sukses në mbarë Evropën e botën.
Nuk po shkojmë më larg, po e nisim me Gjergj Kastrioti Skenderbeu e vazhdojmë me Nënë Terezën e të mbërrojmë te Baca Adem Jashari.
Në kuptim demokrafik, Skënderbeu nga lindur në Shqipëri, Nanë Tereza në Shkup e heroi legjendar në Drenicë. Cili është emeruesi i përbashkët i tyre, së pari janë shqiptarë, se dyti ata janë tapia e Kombit tonë të lashtë.
Ata janë vërtetësia e të qënit kombit i lashtë me histori që kapërcen kufijt e Ballkanit e të Evropës, ata janë mishërimi i shtetbërjes, i rezistencës për të mbrojtur kombin, janë janë mishërim i dashurisë i humanizmit , etj.
Nuk po zgjatem më shumë lidhur me ata që hedhin fjalë për xhelozira mes nesh nuk ia vlen të merrën në konsideratë. Ajo që më shqetëson më shumë është se në aspektin institucional nuk poi kushtohet shumë vëmendje forcimit dhe unifikimit të kombit.
Fjalën e kam për institucionet e Shqipërisë dhe të Kosovës të cilat më shumë po merren sesi të qëndrojnë në qeverisje sesa të punojnë për unifikim kombëtar.
Tash ne si komb kur jemi në momentet më të fuqishmë historike , antishqiptarët, agjenturat ruso-serbe dhe të tjerë dua me cdo çmim të na dëmtojnë. Andaj institucionet shtetërore duhet të punojnë fort të mos lenë asnjë hapësirë për interetime idiote, komb kosovar e brockulla të tilla.
E kemi për detyrë ndaj atdheut dhe kombit, ndaj brezave të ardhëshëm për të punuar natë e ditë që ta forcojmë dhe unifikojmë kombin.
Shqiptarët janë një si në Shqipëri, sin ë Kosovë, si në Maqedoni, sin ë Camëri, si në Mal të Zi, e si në Preshevë e Bujanoc.
Duke u nisur nga ky fakt historik, duke parë tendencat për ta dëmtuar kombin tonë, ne si Levizje Ilirida do të punojnë fuqishëm dhe kemi prioritet pikërisht unitetin e kombit.
Projekti ynë është përbashkues dhe jo përçarës, vizioni unë është lartësimi i kombit, është mirëqënie prosperiteti dhe bashkimi si një trup i vetëm!
Burimi/Facebook
Leave a Reply