Nga Roland Shehu
·
Shpesh shoh më mirë,
Kur mbyllur sytë i kam,
Jam më i lirë,
Vetëm me veten jam…
RSh, 17 qërshor 2023
——————————–
·
Në jetë,
E lashë trishtimin,
I thashë: Mos mu afro!
Mora guximin,
Veten të pyes: Çfarë do?
Vetja më foli në vesh,
Mos bëj zhurmë,
Këto rrallë apo shpesh,
Në jetë lenë gjurmë,
Të paktën siç din ti,
Merre më shtruar,
Mendo për veten tani,
O i uruar.
RSh, 12 qërshor 2023
————————————
Dashurinë e pashë,
Asnjë rrobë veshur,
Ç’po bëja e lashë,
Kur mu afrua e qeshur,
Thamë tungjatjeta,
Më përqafoj,
Qetësinë gjeta
E zërin ja dëgjoj,
Të kam kërkuar,
Më tha në vesh,
I them kam dëgjuar,
Por këtu do më gjesh,
Dorën në zemër vura,
E u ngjita me të,
Me të dyja duart e zura,
Nuk bëri zë.
RSh, 2 qërshor 2023
————————————–
Gramatika më pëlqen,
Foljen dua ta zgjedhoj,
Vetën e tretë vetë koha e gjen,
Me kohën unë zgjedhimin mbroj.
“Me dashtë” zgjedhoje më thanë:
Unë dua, Ne duam,
Ti don, Ju doni,
Ai/Ajo shfrytëzon, Ata/Ato.
shfrytëzonjë.
“Me punu,” të shohin si e bën….
Unë punoj, Ne punojmë,
Ti punon, Ju punoni,
Ai/Ajo merr, Ata/Ato marrin
Lere gramatikën më thanë. E lashë, por shpesh koha dhe përvoja e jetës më korrigjojnë.
Ç’të bëj nuk di më,
Ende folje të zgjedhoj?
Apo fare ta lë,
Më thuaj, më thuaj moj!
RSh, 25 maj 2024.
—————————————-
Çuditem,
Më çudit kjo,
Fëmijë bëra thotë, jam baba,
Më shumë prej tyre do,
U bëra kokën, të dergojnë para,
Ç’të them,
Ndoshta rrëshkitur kam,
Uroj këtë mendje të kem,
E të vdes ky që jam.
Unë punoj për fëmi,
Fëmia im për fëmijë të punojë,
Kështu bëftë çdo brez i ri,
E vendi të përparojë.
RSh, 23 maj 2021.
————————-
Bagëtia,
Një popull,
Rrotull e rrotull,
Kërkonte bari,
Të drejtonte bagëti,
Më në fund,
E gjeti një të mirë,
Si ai s’kishte askund,
Me të ngrënë e të pirë,
U rrit bagëtia,
Hëngri, piu dhe këndoi,
Delja qoftë apo dhia,
Në thertore përfundoi.
RSh, 21 maj 2023.
—————————
Mos e bëj,
Mos e bëj këtë,
Shpesh thonin,
As edhe atë,
Të tjerë dëgjonin,
Mos e bëj më thanë,
Ata vetë kishin frikë,
Çuditërisht matanë,
Jeta kishte muzikë.
RSh, 22 maj 2023.
———————–
E bukur, shumë e bukur,
Veçse për mendjen e lirë,
Bukuria nuk ka të dukur,
Në njerëz nga luksi të mpirë.
RSh, 18 maj 2021.
Burimi/Facebook
Leave a Reply