Bujana Malaj – Mbi qerpikun tim të zi…..!

Ku po shkon o zogu i verës
tuj rrah krahët pa pushim
fluturove për rreth derës
e pushove n’qerpik tim.

Ku je nis o zog me shkue
si su lodhe asnjëherë
tuj pi ujë krue më krue
kanga jote dimën verë.

Fjal’t e mia amanet
flet’ve t’lisit me ua çu
kur t’ju bien për mu ndërmend
vajin qyqja me ndalu.

Mos u ndal o zogu i shkrum
n’kraht e tu kam shkru një letër
tjetër kand un kurrë nuk du
ndoshta t’deshta pak ma tepër.

Prita fjalën kurrë s’ma ktheve
A mos rruga ishte gjatë
kraht e tu mbetën mbas reve
dielli i ditës u ba natë.

Hajde merri kraht e mi
fluturu n’male përpjetë
mbi qerpikun tim të zi
tan parajsën ke me gjet.

b🩷m

Burimi/Facebook