“Ishim betuar të luftonim deri në bashkimin e trojeve shqiptare”

“NE ISHIM BETUAR TË LUFTONIM DERI NË BASHKIMIN E TROJEVE SHQIPTARE …“

(Intervistë, më shumë rrëfim i Bajram Ramës, njëri ndër protagonistët e Luftës së

Ushtrisë Çlirimtare të Kosovës dhe bashkëpunëtor i ngushtë i Zahir Pajazitit).

“Zëri i shqiptarit”: – Ju lutem, si fillim na thoni kush është Bajram Rama (një biografi të

shkurtër).

Bajram Rama:- Unë quhem Bajram Rama, i lindur ne Gllamnik, komuna e Podujevës.

Kam emigruar që në vitin 1991 në Gjermani,i detyruar si shumë shqiptarë të tjerë për

shkak të përndjekjes nga regjimi serb. Aktivitetet e mia i fillova nga Gjermania në

mënyrë ilegale. Qëllimi im ishte që fillimisht të tërheq në Gjermani të gjithë familjen

time që më mbeti në Kosovë. Tërheqja nga Kosova në Gjermani ishte emergjente dhe

e domosdoshme, sepse regjimi serb i asaj kohe ishte shumë i egër dhe meqenëse

nuk mundi të më kapte mua do të hakmerrej ndaj familjes sime. Vëllanë me familje i

tërhoqa të parët, pastaj babanë, nënën dhe motrën, pra të gjithë pjesëtarët e

familjes,dhe kjo bëri që veprimtaria ime të ishte shumë më e lehtë, sepse e gjithë

familja ime tashmë ishte e siguruar në Gjermani.

“Zëri i shqiptarit”: – Kur u takuat me celulat e para të Ushtrisë Çlirimtare të Kosovës, dhe

cilët ishin emrat e njohur të asaj kohe që ju frymëzuan të përfshiheni në luftë kundër

armikut shekullor?

Bajram Rama : – Zahir Pajaziti organizoi aksionet e armatosura në ZOLL. Ai jo vetëm që

i organizoi aksionet eë armatosura, por edhe vetë mori pjesë në to.

NGA VITI 1992-1997 KISHTE ORGANIZUAR SHUMË AKSIONE DHE VETËM NJË

HERË AKSIONI NUK ISHTE KRYER SIPAS PLANIT. Kjo ndodhi sepse fisheku

dështoi, nuk ndezi dhe Sredoje Radoviqit – “Cipiripit” iu zgjat jeta edhe për dy vjet. Kjo

kishte ndodhur në shtator të vitit 1994. Të gjithë objektivat e tjerë ishin kryer me sukses.

“Cipiripi” ishte një ndër policët më mizorë e më kriminalë, i cili bëri tortura të shumta në

rajonin e Llapit dhe të Gallapit. Njëra ndër familjet që ishin torturuar ishte edhe fmilja e

Qerim Pajazitit, babait të Zahirit. Ata ishin rrahur barbarisht në Gallap, Qerimi dhe

Agimi, vëllai i vogël i Zahirit, pastaj te varrezat e fshatit Albanik Qerimi dhe Bajrami,

vëllai i madh i Zahirit, Policia së bashku me “Cipiripin” i kishin lënë aty si të vdekur. Në

Shtabin Qëndror të UÇK-së kishin bërë planin që më 27 shtator 1996 të kryejnë dy

atentate,njëri në Besianë dhe tjetri në Runik të Drenicës.

· Një bashkëluftëtar i Zahirit i cili jetonte në Gjermani,Bajram Rama nga Gllamniku,kishte

ardhur në Kosovë,ishte takuar me Zahirin dhe kishin shkuar në Ballaban në shtëpinë e

Hasan Zenelit ,shokut dhe bashkëluftëtarit te pandashëm të Zahirit, ku ishin marrë

shumë vendime. Aty u mor edhe vendimi që duhet të vriteji Milosh Nikoliçi.

Ishte 10 tetor 1996 kur u mor vendimi nga

Zahir Pajaziti, Hasan Zeneli,Bajram Rama dhe Ilir Kunushefci.

Aty e ndoqën për 7 ditë këta 4 persona, por nuk iu dha mundësia ta vrisnin këtë

kriminel serb pasi Bajram Ramës i duhej që të shkonte në Gjermani për disa mjete

financiare .Të ndodhur në këto kushte Zahir Pajaziti dhe Hasan Zeneli deklaruan

vendimin e tyre:- Këtë punë na e lër neve,sepse ne do ta kryejmë në emër të Zotit.

“Cipiripin” e ndoqën gjithë ditën Zahiri me Hasan Zenelin e një moment u përballën

para Komunës ku ai ishte duke shëtitur me gruan dhe djalin e tij. Hasan Zeneli sapo e

pa përballë,iu nxeh gjaku e donte te shtinte në “Çipiripin”,por Zahiri e ndaloi e i tha:-

Hasan mos ! Ështe me grua e fëmijë e ne shqiptarët nuk e kemi zakon të vrasim dikë

në prezencën e gruas. – Lëre se e gjejmë më vonë,vazhdoi Zahiri.

Pasdite, rreth orës 17.00 Zahiri me Hasanin thirrën disa anëtarë të njësisë “Rrufeja” që

erdhën nga Prishtina dhe kështu të kombinuar u bënë 18 veta të cilët i zunë pritën

nëpër çdo cep “Cipiripit”që atë natë me makinën e policisë shkoi te punkti para hotelit

“Besiana” dhe u zhduk.Pas një pritjeje rreth 2 orësh ne u shpërndamë nëpër shtëpia

sipas urdhrit që na dha Zahiri pasi kishte kërkuar që atentatin në “Cipiripin” ta kryente

vetë. Në mbrëmje erdhi kushëriri i tij Fadil Pajaziti i cili informoi se “Cipiripi” ishte në një

kafene afër shtëpisë së Shëndetit në Besianë. Zahiri përgatiti automatikun,revolen e futi

në brez e u nis për tek “Cipiripi” mbi të cilin shtiu me një karikator, të cilin e zbrazi në

trupin e tij ku mbetën 14 fishekë. Qytetarët e Llapit u liruan nga ky kriminel. Ky atentat

pati jehonë të madhe në tërë territorin e Kosovës. Atentati tjetër i Zahirit, bashkë me Ilir

Konushevcin është kryer më 27 tetor 1996 kundër Milosh Nikoliqit nga fshati Surkish,

Inspektor i Ministrisë së Punëve të Brendshme të Serbisë,. Atentati u krye afër shtëpisë

së tij në Surkish, ku mbetën të vrarë Millosh Nikoliqi, i njohur si i ” biri i Dragiqit” dhe

Dragan Rakiq nga fshati Katunishtë. Bshkë me Zahirin ishte edhe Ilir Konushevci. Në

veturë për në Surkish kanë qenë edhe Selim e Naim Haziri dhe Naim Hyseni. Atë kohë

në mesin e ilegales, por duke shpërthyer ngadalë edhe te popullata thuheshin këto fjalë:

“Nikoliq, more shkà

Edhe në hypsh në shtatë kala ,

dora e Zahirit ka me të vra”.

DARDHA BESNIKE, QE RUAN KUJTIMET E FSHEHURA 24 VJET MË PARË

NË KËTË ZGAVËR TË MADHE ,NË BRËNDËSINË E SAJ

FSHIHEN SHUMË KUJTIME .

NËN HIJEN E ASAJ DARDHEULESHIN SHUMË TRIMA, SI :

ZAHIR PAJAZITI

ILIR KUNUSHEFCI

JANUZ ZENELI

HASAN ZENELI

· BAJRAM RAMA

DAIM HISENI , TANI KRYETAR AKTUAL

I VETERANËVE TE ILIRIDËS,

E SHUMË E SHUMË TË TJERË.

KJO DARDHË KISHTE VLERAT E SAJ, SEPSE PAS KRYERJES SË ÇDO AKSIONI

SË PARI VIZITONIM DARDHËN PËR TË FSHEHUR ARMATIMIN , PASTAJ

SHKONIM NË BALLABAN,NË SHTËPINË BUJARE TË HASAN ZENELIT.

BALLABANI KISHTE TRIMA,KA DHE HERONJ SIÇ ËSHTË JANUZ ZENELI, MBARË

FAMILJA ZENELI SAKRIFIKOI SHUMË PËR ÇËSHTJEN KOMBËTARE , PËR TË

FOLUR PËR BALLABANIN DHE DARDHËN DO TË DUHESHIN ORË TË TËRA,

SEPSE GJITHÇKA U NIS PIKËRISHT NGA KËTU.

LAVDI DËSHMORËVE TË KOMBIT!

RESPEKT MBARË FAMILJES ZENELI !

NATA E FUNDIT NË BALLABAN…

ISHTE 29, JANARI, DITË E MËRKURË, 1997, KURU TAKOVA ME BEKIM BERISHËN (“ABEJËN “) ATË KOHË BEKIMI JETONTE NË HOLANDË.U TAKUAM NË BIELIFELD, MË 26 JANAR 1997 DHE MORËM RRUGËN PËR SHQIPËRI.KISHIM NJË TAKIM ME RËNDËSI ME ZAHIR PAJAZITIN ,HASAN ZENELIN DHE DISA BASHKËLUFTËTARË TË TJERË.SHKUAM NË SHQIPËRI PASTAJ NGA SHQIPËRIA KALUAM KUFIRIN DHE HYMË NË KOSOVË.NGA ATY MORËM RRUGËN PËR NË BALLABAN KU HASAN ZENELI ME DISA SHOKË KISHTE DALË TË NA PRISTE NË PRISHTINË ME NJË MAKINË “ASKONË” PER TË NA SIGURUAR TERRENIN DHE ÇDO KOHË NA KISHTE NËN VËZHGIM PASI AI ISHTE I ARMATOSUR DERI NË DHËMBË QË TE MOS HASNIM NË PUNKTET POLICORE E MADJE BËNTE SHAKA:- “TE GJALLË NUK DO T’JU MARRË SHKAU, SEPSE JENI MYSAFIRËT E MI E PO TË JETË NEVOJA DO TË BEJMË LUFTË ME TA” – PO,I THOTË HASANI DUKE BUZËQESHUR.SHKUAM ATË MBRËMJE NË BALLABAN NE SHTËPINË E HASAN ZENELIT(SHTËPI BUJARE) DHE TANI MË KUJTOHET ME DETAJE DARKA PASI UNË ISHA SHUMË I URITUR, SEPSE VETËM NË SHQIPËRI KISHIM NGRËNË E NËKOSOVË NUK DONIM TË NDALONIM ASKUND PËR SHKAK SIGURIE. PËR DARKË KISHTE LAKROR, SPECA TURSHI DHE NA PËLQEU SHUMË. PAS DARKËS BISEDUAM PËR SHUMË GJËRA. ISHTE NJË TAKIM QË TË BISEDONIM RRETH FURNIZIMIT ME ARMATIM PASI UNË KISHA KONTAKTET E MIA,POR EDHE BEKIM BERISHA –“ABEJA “KISHTE KONTAKTE PASI ISHTE PJESËMARRËS I LUFTËS SË BOSNJËS DHE ASAJ TË KROACISË. NË KËTË TAKIM, NË SHTËPINË BUJARE NË BALLABAN,.PJESËMARRËS ISHIN :

• ZAHIR PAJAZITI

· • EDMOND HOXHA

• HAKIF ZEJNULLAHU

• ISUF FERIZI

• MUHARREM KRASNIQI

• BEHXHET BRAJSHORI

• HASAN ZENELI

• JANUZ ZENELI

• BEKIM BERISHA – “ABEJA”

• BAJRAM RAMA.

DERI NË KËTË DATË TË KËSAJ MBRËMJEJE KISHIM KURSYER NJERËZIT. ATË

NATË U MOR VENDIMI QË TË FILLONIM AKSIONET VDEKJEPRURËSE TË

KODUARA:-“GJILPËRA E ZEZË”.ATË NATË BISEDUAM DHE MORËM NJË VENDIM:-

ISUF FERIZI TË TAKOJË LUM HAXHIUN PËR TË KOMUNIKUAR DHE PËR TË

SHKUAR NËPËRMJET LIDHJEVE NË SELANIK PËR TË BLERË

RAKETËHEDHËSIN E TIPIT “STYNGER,, (KUNDËRAJROR) PËR T’I SULMUAR

HELIKOPTERËT E POLICISË.

ATY NDEJTËM DHE BISEDUAM SHUMË, POR EDHE MORËM SHUMË VENDIME

ME RËNDËSI. KJO ISHTE NATA E FUNDIT NË SHTËPINË BUJARE TË

BALLABANIT, FSHAT I CILI KA HERONJ DHE LUFTËTARË .

RESPEKT FAMILJES ZENELI !

LAVDI GJITHË DËSHMORËVE TË RËNË PËR LIRI !

“Zëri i shqiptarit”:- Fama e Komandantit legjendar të UÇK së Adem Jashari ishte kudo

prezente, jo vetëm në Kosovë! E keni takuar ndonjëherë Hashim Thaçin, drejtor i

Drejtorisë Politike të UÇK-së ? Kur e keni njohur për herë të parë?

Bajram Rama:- Me Komandantin Legjendar pata fatin të takohesha në vitet 93-94 në

Shqipëri ku bënim përgatitjet, stërvitjet ushtarake me shumë bashkëluftëtarë të tjerë.

Kemi pasur disa takime të tjera me Hashim Thaçin ne Zvicër në vitet 95,96,97,takime

dhe tubime rreth organizimit .

“Zëri i shqiptarit”:- Cili ishte roli i Zahir Pajazitit, dhe çfarë mendoni për epilogun e

vrasjes së tij, që shpesh flitet në mënyra të ndryshme duke krijuar edhe enigma rreth

vrasjes së tij?

Bajram Rama:- Rolin e Zahirit tani e dimë të gjithë sikurse e thashë më lart,ndërsa sa i

përket vrasjes së tij do të vijë koha që do të zbulohen të gjitha se si ra në pritë, sepse

ka shokë tanë të gueriles ,bashkëluftëtarë të Zahirit që dinë më shumë rreth kësaj

çështjeje.

“Zëri i shqiptarit”:-Cili ishte roli juaj në zonën Operative të Llapit dhe në atë të

përgjithshmen të UÇK -së ?

Bajram Rama:- Roli im ishte i autorizuar nga Shtabi i Përgjithshëm për Rekrutimin e

ushtarëve të rinj nga e tërë diaspora , grumbullimin e mjeteve financiare,

furnizime,armatim, si dhe pjesëmarrës pothuajse në të gjitha zonat të cilat kishin

nevojë e që m’i kërkonin.

“Zëri i shqiptarit”:-Jeni veteran i UÇK-së e pyetja do të ishte :- Kur keni marrë pjesë në

luftë frontale me armikun, jeni plagosur?

Bajram Rama:- Po,unë jam veteran,në shumë raste kam marrë pjesë në luftë frontale

në zona të ndryshme dhe duke kaluar kufirin Shqipëri – Kosovë hasëm në mina me

shumë ushtarë të tjerë.

“Zëri i shqiptarit”: – Mendoni se është çliruar Kosova për atë për çfarë është luftuar?

Bajram Rama:- Po Kosova u çlirua duke falënderuar Amerikën dhe aleatët e tjerë që na

përkrahën,por ne kemi dhënë betimin që do të luftojmë për bashkimin e trojeve

shqiptare.

« Zëri i shqiptarit: -Jeni gëzuar me formimin e Ushtrisë së Kosovës me emrin FSK?

Bajram Rama:- Po, natyrisht që jemi gëzuar, sepse ushtria është dashur shumë më

herët të formohej ,por sidoqoftë tani e kemi ushtrinë e formuar duke falënderuar

përsëri Amerikën për mbështetjen.

Zëri i shqiptarit: -Si jetoni ju para,gjatë dhe pas luftës, këtu në Gjermani ? Keni familje

dhe jeni i bindur se nuk keni keqpërdorur asgjë në Ushtrinë Çlirimtare të Kosovës? Së

fundmi,çfarë do të na thoshi për “veteranët e rremë” ? Ekzistojnë apo është bërë një

propagandë e madhe?!

Bajram Rama:- Para luftës unë kam jetuar shumë mirë, sepse kisha mbi 6 Agjenci

turistike “EUROLINDA” në qytete të ndryshme të Gjermanisë, të cilat për shkak të

pjesëmarrjes sime në luftë nuk munda t’i menaxhoj, prandaj u gjenda afër falimentimit

dhe humba shumë para që kisha investuar. Unë në asnjë mënyrë nuk i kam

keqpërdorur paratë e UÇK-së dhe kur isha futur në luftë i kisha të gjitha, kurse pas

përfundimit të luftës i humba të gjitha,preka fundin.

· Për sa u përket pseudoveteranëve le të themi se ia kemi lënë drejtësisë në dorë dhe

ajo le të zbardhë rastin se kush është veteran i vërtetë e kush jo.

Zëri i Shqiptarit: -Për ta mbyllur, duke ju uruar : Gëzuar Vitin e Ri 2019!, cila do të ishte

porosia juaj për shqiptarët dhe për mërgatën shqiptare?!

Rrëfen Bajram Rama:

Bajram Rama:- Porosia ime do ishte që të jemi të lidhur me njëri-tjetrin, sepse vetëm të

bashkuar do të bëjmë bashkimin kombëtar, bashkimin e të gjitha trojeve shqiptare

kudo që janë shqiptarët . Siç thamë edhe më lart,shtabi i parë operativ i gueriles ,ishte

Shtëpia e Hasan Zenelit. Në atë shtëpi, ishim të gjithë shokët. Aty u mor vendimi edhe

për vrasjen e gjakpirësit nga qyteti i Shtimes,kryemilici Milenko Bucic. Diku rreth

mesnatës së datës 13 gusht të vitit 1996 , në këtë shtëpi u mor vendimi për ekzekutimin

e tij. Pasi që Zahiri dhe unë duhej të shkonim edhe në një vend në fshatin Ballovc të

Podujevës, për ta organizuar grupin”2″ që sapo ishte formuar ,Hasan Zeneli mbeti në

shtab në Ballaban me të gjithë anëtarët e njësisë “Rrufeja 96” dhe mbeti që më datën

14 , të takohemi te shtëpia e Gani Zenelit, në Lagjen e Spitalit, në orën 22.00 të

mbrëmjes. Po në këtë datë, shkuam unë, Bajram Rama dhe Zahiri te shtëpia e Gani

Zenelit, por Hasan Zeneli nuk ndodhej aty. Na kishte lënë fjalën që të shkonim në

shtëpinë e Hamit Manit. Kur shkuam aty, Hasan Zeneli ,luante shah me Hamitin. Zahiri

shkoi në banesën e vet dhe ne mbetëm aty , atë natë derisa të nesërmen erdhën edhe

anëtarët e tjerë të njësisë speciale “Rrufeja96”. E ata ishin: Heroi i Kombit,Januz

Zeneli,Heroi Isuf Ferizi,Agim Makolli dhe një i panjohur për mua atë ditë. Më vonë nga

gjeneral Hasan Zeneli, kam kuptuar se ai kishte qenë Sabit Lahu nga Rimanishta e

Prishtinës, tani i zhdukur nga UDB-ja serbe në vitin 1996. Filluam rrugëtimin drejt

Shtimes me automjetin BMW, 318 i cili ishte pronë e Hasan Zenelit, pasi që automjeti

Lada “Niva” ishte në udhëtim zyrtar dhe mbetej për t’u shërbyer djemve të njësitit “2” të

Llapit. Shkuam në afërsi të Shtimes, saktësisht në rrugën tranzitore dhe me shpejtësi

zbritem nga automjeti BMW dhe u fshehëm në arën me kollomoç,ndërsa komandanti

Hasan Zeneli shkoi me heroin Januz Zeneli për ta zbritur në Shtime, aty afër stacionit të

milicisë. Januzi ishte i kamufluar , si duhanshitës dhe shumë i parruar dhe i palarë

mirëpo, radiolidhjen e kishte me vete. Gjenerali ishte i detyruar që automjetin BMW ta

çonte prapë deri në Prishtinë dhe të kthehej menjëherë te ne në arën me Kollomoç.Pas

më shumë se 2 orësh, Gjenerali erdhi me autobusin Prishtinë -Prizren.Pas pak

minutash, Januz Zeneli me radiolidhje na tha: Meta u nis. Gjenerali iu përgjigj me ok. Pa

mbaruar fjalët, automjeti Zastava 101,erdhi mu aty në kthesën ku afër saj ishte një trafo.

Kemi hapur zjarr dhe aty në vend ka mbetur automjeti me tre milic.Jjemi tërhequr

këmbë nëpër arat me kollomoç, deri në afërsi të Lypjanit kur na mbuloi terri i natës dhe

shpëtuam pa asnjë dëm. Erdhëm në këmbë deri në Ulpianë ku gjenerali e kishte lënë

automjetin. Para nesh kishte mbërritur tani heroi Januz Zeneli me autobusin e parë që e

kishte gjetur, radiolidhjen e kishte humbur për shkaqe sigurie. E kishte hedhur në një

kontejner mbeturinash të një shtëpie. Të nesërmen unë, Bajram Rama, kam shkuar me

Heroin dhe e kemi marrë atë radiolidhje, e cila sot e asaj dite ekziston. Kam qenë i

besatuar që të vij edhe në dhjetor. Zahiri më kishte çuar fjalë nëpërmjet vëllezërve

Zeneli që të rri un aty në mërgatë. Ndjehem keq që nuk munda t’u bashkohem Hasan

Zenelit, Ilir Konushevcit ,Januz Zenelit dhe njësitit “Rrufeja” në këtë aksion spektakolar

“Zëri i shqiptarit”: Ju faleminderit, dhe cili komandant ishit ju sipas PSEUDONIMIT?

Bajram Rama:- Unë asnjëherë nuk kisha pseudonim,isha me emrin tim të vërtetë.

Intervistuan dhe përgatitën për shtyp: Muhamet Çetta , Nexhmie Nelku dhe Avdi Gashi

Burimi/zeriishqiptarit.com