Përbërësit për kekun:
• 1/3 litër qumësht soje, përzier me uthull molle ose verë,
• 2 filxhanë miell,
•1 filxhan sheqer,
•2 lugë çaji niseshte,
•1 lugë çaji sodë buke,
•1 lugë gjelle miell misri,
•1/2 lugë çaji kripë,
•¼ filxhan vaji vegjetal,
•1/2 luge çaji esencë vaniljeje dhe bajamesh;
Për pudingun:
•2 pako vanilje ose pluhur bajamesh dhe 1 litër qumësht soje;
•qershi të freskëta ose të ngrira,
•1 filxhan sheqer,
•Çerek filxhani lëng limoni,
• lëkura limoni,
•3 lugë gjelle miell misri,
•çokollatë fondente.
Përgatitja:
Të parin bëj gati kekun. Nxehe paraprakisht furrën në 190 gradë dhe lyej një tepsi me vaj. Përzieje qumështin e sojës me uthull dhe lëre mënjanë për pak minuta. Në një tas, hidh miellin, sheqerin, niseshten, sodën, kripën dhe miellin e misrit. Në një tas tjetër përziej vajin, vaniljen dhe esencën e bajameve me qumështin e sojës, pastaj shtoji masës përbërësit e thatë. Trazoje masën derisa të mos kenë mbetur kokrriza të patretura; lëre brumin të piqet për 18-22 minuta, derisa të marrë një ngjyrë kafe.
Radha e xhelit. Qershitë, sheqerin dhe lëkurat e limonit shtoji në një tenxhere ku më parë keni përzier lëngun e limonit me miellin e misrit. Masën e përftuar përzieje mirë dhe lëre të ngrohet në nxehtësi mesatare. Pasi lëngu të jetë trashur, hiqe tenxheren dhe lëre të ftohet.
Pudingu blihet i gatshëm në supermarket dhe përgatitet lehtësisht përmes udhëzimeve.
Kur të gjitha shtresat të kenë përfunduar, mbetet të shtrohen me radhë në kupë. Në fillim, vendosni një shtresë të hollë me xhel qershie, pastaj kek, puding e kështu me radhë (struktura e një zupe të zakonshme). Në fund, mbi triflenë e përgatitur shkërmoq pak çokollatë fondente; kjo nuk shërben vetëm për shije, por dhe për dekorim. Vendosi kupat me trifle në frigorifer, të paktën dy orë përpara se t`i shërbesh.
Living.al
Per”Alba – Dansk” Shkodrani
Leave a Reply