E nderuara familje e Prof. Dr. Mehmet Rukiqit,
I nderuari Drejtues i Institutit Albanologjik të Kosovës Prof. Dr. Lulzim
Lajqi dhe ju të pranishëm tjerë,
Sot në këtë mbledhje komemerative në nderim të veprës së Prof. Dr.
Mehmet Rukiqit, me rastin e ndërrimit jetë të tij, bashkëndjejm dhimbje
të madhe me shkuarjen e profesorit tonë shumë të dashur nga kjo botë.
Shkuarja e tij ka lënë një zbrazëtirë të madhe si në familjen e tij, pastaj
në Dardani dhe te ne në mërgatën shqiptare.
Mund të them lirisht, se tërë krijimtaria e tij me dhjetra vepra të botuara
dhe ende shumë të tjera që kanë mbetur pa u botuar, kanë një rëndësi të
madhe me të cilat Prof. Dr. Mehmet Rukiqi është dëshmuar se ka pasur
një frymë patriotike. Veprat dhe idetë e tija kanë arritur nëpër të gjitha
trojet etnike shqiptare e po ashtu edhe në mesin e mërgimtarëve
shqiptarë në Evropë, Shtete të Bashkuara të Amerikës dhe në veçanti te
ne në Suedi, ku e kishim me nderin më të madh Anëtar Nderi të
Shoqatës së Shkrimtarëve dhe Artistëve Shqiptarë ”Papa Klementi XI
Albani” Suedi si një brum me ide dhe pikëpamje atdhetare.
Kërkesat e prof. Mehmetit për ne mërgatën shqiptare ishin të fuqishme
sepse ai kërkonte me ngulm që ne të shkruajmë për gjuhëh shqipe, ishin
kërkesa të tij prej një vizionari mbi trashigiminë kulturore të gjuhës
shqipe, kërkesa për ruajtjen dhe shvillimin e saj nga mërgimtarët
shqiptarë.
Prof. Mehmetei çdo herë thoshte se duhet ruajtur në mërgim dhe duhet
të kujdeset me çdo çmim për fatet e saj si gjuhë shqipe ndër shekuj,
duke filluar lashtësia. Misionari i madh Prof. Mehmet Rukiqi, i njhur
për shkrimet e tija, për gjuhën shqipe, thoshte se kjo gjuhë shqipe i ka
rrnjët thellë, diku thellë në at trungun me mija vjetë të vjetër, si një
thesar kaq i madh i popullit shqiptar. Në kët mënyrë prof. Dr. Mehmet
Rukiqi na drejtohej neve, bijave dhe bijve të popullit shqiptar në
mërgim, si një amanet që duhet mbajtur.
Ai, ishte dhe mbeti njeriu më i dashur i yni, këshilltari im personal për
rrugëtimin e krijuesve tanë dhe të Shoqatës, shoqatë kjo e cila ka
ndjekur rrugën e Rilindasve tonë të Rilindjes Kombëtare Shqiptare.
Emri dhe veprat e tij, do të mbeten brezave të ardhshëm, se si duhet
punuar dhe krijuar për kombin shqiptar. Ishte dhe mbeti model i
veçantë, për komunikimin, për afrimin e të gjithëve pa dallim. Shkoi
nga kjo jetë anëtari i fundit i Këshillit për Pajtimin e Gjaqeve me në
krye të madhin Anton Çeta.
I dashur Prof. Mehmet Rukiqi,
Të siguroj se do të mbetesh njëra ndër figurat më të dashur të popullit
shqiptar, si shkrimtar, intelektual, anekdotist dhe këngëtar. Kurse në
zemrën time do të mbetesh përjetësisht deri sa të jam gjallë. Të jam
mirnjohës për gjithçka që ke bër për ne dhe për kombin shqiptar.
Mëshira dhe bekimi i zotit qofshin me shpirtinj tuaj Prof. Mehmet.
Zoti i bekoft veprat e tua.
Burimi/Derguar nga Autori
Leave a Reply