– Poemë –
~
Shkrel tokë e Ilirisë
si ndër legjenda ece në shekuj
në ty u shkrua historia si ne balada!
.
Epos kreshnik
O luginë gjigante që i ngjan Titanikut
në sofër shtrove besë e bujari
vendbanimet tua parahistorike
Alpe relieve të skalitura
hone e maja të thepisura
trojet tua ruajnë tumbat Ilire
Truske e Pellazge
në hapësirën tënde
O ç’bukuri e stolisur kolorite
rrethuar me pyje shekullore
livadhe e bregore
në tabanin tënd flenë
miniera me vlera kimike
.
Oh, sa mahnitëse i ke gurrat krojet
shpellat nëpër shpatë
Orët në prehërin tënd
hedhin valle monopateve
.
Shpella e Draganit çepur çepur
stalaktikët që rrjedhin ujë bore
aty nisën erërat e largëta të krijimit
Era Kainozoike e Palenteozoike
ngurtësuan gjurmët e kohës
mos vallë në këto male
u ankorua edhe barka e Noes
prej aty morën udhë
kushtrimet heroike
që lundruan në ajër deri ne Yllësinë
e Kashtës së Kumtrit
.
Zërat e tyre përjetësisht jehojnë
në luginën e Shkrelit gjeti strehë
ushtria Franceze më kryqëzatën
udhëhequr nga Gjenerali i tyre Sharli i Katërt
.
E çuditërisht ai toponim
ndoshta që atëherë ngeli
duke pësuar ndryshime:
Sharrli Shirreli Sherli
derisa gjeti formën Shkreli
.
Athua prej këtij ushtaraku me famë
emri yt lindi
në faqet tua të historisë ku shkroi
i ndrituri Eqerm Çabej per ty o shkrel.
.
Eh, kushtrimi i vargmaleve
përsëri në sofër thërret
zërat e luftëtarëve
…Ooo Dasho Shkreli more…
ku jeee?
Ooo, pritëm se erdha vikat
Bec Patani si rrufe
Ndër Viganët e Shkrelit ska vend frika
me shpatë e Hutë çajnë shtigjet
Prel Preka e Tom Nika
Kuvendi i burrave bashkoi mençurinë
.
Vat Marashi Bajraktari më i urti
i Malësise ndër mote
me Kryevojvodën Maku i Marash Giles
bashkuar në një sofër…
prej Glecës flasin themelet
e Kishës Shna Prenës
mbi 900 vjeçare e shkruar
në defter të moçëm prej penës.
.
Kisha e Shkrelit qe Dekantja e Malësisë
me dom Nikollë Gazullin studiues i albanologjisë
Famullinë e ktheu në burim të teologjisë
edukim i brezave në çdo cak
si me i dal zot atdheut
në kushtrim të burrave për bajrak
.
Ai oborr Kishe ishte
Logu tradicional i nuseve
me xhublet kapuç e duvak
sojnikët e Shkrelit në toprak
Kurrila prej vajtimit Shqypeve,
me trishtim ushtoi
.
Prenkë e Pashko Leka, dy vëllezër
që Trimërisht luftojnë
gjaku i tyre në shpellë skuqi borën
me breshëri Mitrolozi e me bomba
xhelatët komunistë
herojve në gjokse ua ndalën orën
kumti mori malet e bjeshkëve
.
Atdhetarët s’pranojnë të dorëzohen
që mos t`ua ulin kryet kreshtave
malësorët ejkatën e ejkatën
me shami të zeza deri të sytë
kapidan Prek Leka bëhët lapidar i Shkrelit
kanget për të dëgjohen në kupë të qiellit
.
Rënkon maja e Pultinzës
e rrethuar prej partizanëve.
Por trimat malësorë luftojnë me të pafe
nga gryka e shpellës jehoi kënga
deri në re
prej Rrok Kanti e Pjetër Gjokës bajraktari.
përshëndet me armë Major LLesh Marashi
e vikama me za Çeta e majorit
– O komunistë ju po luftoni
kundër vëllezërve turpi ju mbuloftë
a jeni shqiptarë e historia u marroftë
gjaku i Zogorianëve gurrat ushqeu
Heroi pranë heroit gjithnjë prehje gjen
.
Shkrelasit u bënë martirë për Liri
jetën për troje e bënë fli
Shkrelin e mbuloi terri e reja
Llesh Marashin e varen në litar
te Truma e Dugajve të Reja
Shkodra derdhi lotë trishtimit
si vorrosen heronjtë në Zalle të Kirit
.
Nga shpella e Veleçikut gjegjën trimat
si shtatë herë zana
sokolat me nam të dy Kapidana
ndera e Malësisë Gjelosh Luli
e Mirash Gjoka
nuk i dorëzohemi komunizmit
le ta marrë vesh Europa
Shkreli me lahutë i u thur lavdi
trevës Malësisë Madhe që ka nxerr Flori
.
Nga New York-u vargëzoj për ty o Shkrel
unë biri yt lindur atje në Alpe
jam aq i vogël sa një thërmi
në qellin tënd të pastër ku puthen retë
eh, Shpirti em në atë hapësirë malesh
dëshiron të prehet në amshim i qetë…
.
Gjeto Turmalaj
nga vllimi poetik ”Borxh për Nesër”
Burimi/Facebook
Leave a Reply