Nga Adil Mustafa
Nenkryetar
Lëvizja Ilirida
Struge 4-05-2024
Pas shpërbërjes se Jugosllavisë, çuditërisht Maqedonia nuk u përfshi nga konflikte e luftëra. Ajo u kursye nga Beogradi për ta patur si patericë e orekseve të saj hegjemoniste.
Në fakt, pas pavarësimit, Maqedonia në drejtimin e Kiro Gligorov nisi hakmarjen kolektive ndaj shqiptarëve. Kushtetuta e shtetit suspendoj kapacitetet etnike, politike dhe shoqërore të shqiptarëve.
Arkitekti i shëndërrimit të shqiptarëve në pakicë mbetet vasali i Sllobodan Millosheviçit, Presidenti sllavo maqedonas Gligorov. Pikërisht në “zjarrin” e antishqiptarizmit, mori “flake” Lëvizja Ilirida me në krye shqiptarin e ndershëm, patriotin professor Nevzat Halili.
Flakët e Lëvizjes u përhapen në të gjitha vendbanimet shqiptare. Pothuajse i gjithë populli shqiptar i Maqedonisë ishte në funksion të kësaj Lëvizje.
Mirëpo për të shuar flakët e lëvizjes tonë kombëtare fatkeqësisht u përdorën metoda të errëta. Dihet tash roli i Tiranës zyrtare në atë botë deklaratat e Presidentit të kohës.
Po ashtu dihet dhe përcarja e PPD-së dhe lindja e franksioneve që e fragmentarizoj rolin dhe peshën e Iliridës.
Gjithashtu qarqet sllavomaqedonase, ndikimet e fuqishme serbo- ruse ishin në funksion të përcarjes së faktorit politik shqiptar. Kundërshtarët e cështjes shqiptare në Maqedoni e shikonin Iliridën si rrezik për shembjen e murit të monoetnizmit sllamaqedonas.
Andaj Presidenti maqedonas social-komunistët e LSDM-së që komandoheshin direkt nga Beogradi nisën hakmarrjen kolektive të shqiptarëve. Përndjekje, arrestime, dënime, dëbime, deri në masakra e vrasje. Rasti i Gostivarit do të mbahet mend në histori si ngjarja më e kobshme në “demoraci” e ushtrimit të terrorit nga pushteti sllavomaqedonas ndaj shqiptarëve.
Ilirida etalon i çështjes shqiptare
Mos të hyjmë në detaje të historikut sepse dihet nga opinioni i gjithmbarshëm se Ilirida ishte dhe mbetet etalon i ceshtjes shqiptare.
Sic e thashë më lart, Ilirida lindi në cdo vatër shqiptare, por u zabotua nga brenda e jashtë, një fatkeqësi për shqiptarët e Maqedonisë dhe kombin në përgjithësi.
Programi dhe kauza e Iliridës ishte ideale, ishte mekanizmi i vetëm mbrojtës dhe përparues për shqiptarët, ishte i vetmja digë që pengonte projektet serbo -maqedonase ndaj shqiptarëve etnike të Maqedonisë.
Fatkeqsisht ndaj Lëvizjes Ilirida u ndërmorën masa respresive duke tentuar ta eleminojnë nga skena politike. Megjithatë asnjë forcë e errët, pushteti, apo faktorë të tjera antishqiptar nuk arritën ta shuanin kauzën e Levizjes. Ajo sot e kësaj ditë jeton në cdo zemër shqiptari.
Ilirida si rizgjim i vetëdijes kombtare
Që nga pavarësimi i Maqedonisë shqiptarët etnike kanë pritur që të jenë popull shtetformues, të kenë një kushtetute përfaqësuese për të gjitha komunitetet, të respektohen liritë dhe të drejtat e njeriut, të jetë një shtet multietnik funksional.
Sot e kësaj dite edhe pas 30 vitesh pavarësi, asnjë nga të drejtat legjitime të shqiptarëve nuk janë realizuar e as përfshirë në kushtetuten e shtetit.
Që nga koha e PPD-së më vonë e PDSH-së e deri të BDI-ja, partitë politike shqiptare kanë menduar vetëm për pushtet dhe jo për realizimin e të drejtave te shqiptareve dhr janë pasuruar vetë dhe kanë varfëruar popullin.
Kushti i tyre i vetëm ka qenë të jetë pjese e qeverisë dhe jo e kthimit të dinjitetit të shqiptarëve. Tash po krijohet një qeveri e re. Të shohim se cfarë të mire do të sjelle Vlen!
Nisur nga këto fakte, tash është koha për rizgjim të vetedijes se shqiptarëve. Këtë më së miri mund ta bëjë Levizja Ilirida e cila nuk do të ketë për qëllim ne vetvete pushtetin, por do të jetë misionare e cështjeve të pazgjidhura të shqiptarëve.
Lëvizja Ilirida ka nisur riorganizimin e saj në përputhje me kushtet dhe rrethanat e reja politike.
Ilirida së shpejti parti politike
Kalimi nga Lëvizje popullore në parti politike do të krijojë kushte për një riformatim të ri. Ilirida do të jetë një model ku në përpërje të saj do të këtë meritokraci, demokraci, mendim ndryshe, vendimarrje konsensuale.
Boshti i Iliridës do të jenë gjeneratat e reja, intelektuale, pjestarë të shoqërisë civile, njerëz që kanë kontribuar ndër vite për cështjen shqiptare.
Ilirida do të shërbeje në përputhje me standartet ndërkombëtare, do të prezantohet para opinionit publik si shpresa e vetme e realizimit të aspiratave të kahmotshme të shqiptarëve.
Përballë qytetarëve do të prezantohemi duke patur parasysh, ndershmërinë, ndjeshmërinë, moralin, aftësitë, profesionalizmin, etj. Do të jemi konkurent të fortë duke u mbështetur në program, platformë, duke patur vullnet politik, vizion dhe alternativa.
Shumë shpejt do të bëhet e ditur për opinionin politik formati i rioarganizimit dhe prezantimi i platformës.
E kam bindje se Lëvizja Ilirida si subjekt politik do të shërbejë si mekanizëm i rizgjimit të vetëdijes kombëtare të shqiptarëve të Maqedonisë.
Burimi/Facebook
Leave a Reply