Këtij vendi i duhen autostradat, që të mbërrijmë më shpejt nga njëri qytet në tjetrin.
I duhen portet dhe aeroportet.
I duhen edhe dhumë e shume gjëra të tjera, padyshim shumë të kushtueshme.
Por ne do te nisim një kthesë në zhvillimin tonë kur të mendojmë se vepra më e madhe që duhet të ngremë, është ARSIMI.
Ne financojmë për arsimin sot më pak se çdo vend i Rajonit.
Për vite me radhe, maturantët me mesataren më të ulet u bënë mësues matematike, fizike, bio-kimie, gjuhe dhe letërsie… ose më saktë, ata që nuk kapnin dot asnjë degë tjetër, u bënë mësues.
Kështu, mësuesit e dobët nxorrën nxënës të dobët, dhe nxënësit e dobët u bënë studentë të dobët…!!!
E dini se përse asnjë qeveri nuk e bën arsimin prioritet të qeverisjes?
Sepse ARSIMI është një pemë qe e mbjell sot që të japë fruta pas 15 a 20 vjetesh.
Por politika nuk ka kohë të presë. Ajo kërkon vepra që duken, nga ato që i vjel brenda një viti. Madje nga ato që i vjel ende pa i mbjellë akoma.
I vjel që në projekt, pastaj kur fillojmë, dhe pastaj nja 10 përurime deri në përfundim.
Sepse i duhet vëmendje, i duhen vota…
Ky vend do të ndryshojë kur të vijë dikush, i cili në vend që të ndërtojë një aeroport për “tangërrlëk” dhe delir, të mbështesë fort prodhimin dhe punësimin e një gjenerate mësuesish të mirë.
Dikush që të kuptojë se shkolla nuk është një ndërtesë, por ajo që bëhet brenda një ndërtesedhe se një shkollë e mirë nuk është vetëm një godinë e re dhe e bukur.
Nje shkollë e mirë është:
Ndërtesë me kushte optimale;
Mësues të zotë;
Paga të mira;
Libra, pra tekste, të mira;
Laboratorë të mirë
…për të përgatitur njerëzit e të ardhmes.
P.S: Edhe pse është kohë vere dhe s’kemi nge për të “dhënë mend”, unë do të lutesha shume ta shpërndanit këtë post dhe të bënim një diskutim publik mbi prioritetet që duhet të ketë një qeverisje.
Ndoshta dikush mund të na dëgjojë…!
Burimi/Facebook
Leave a Reply