Studiuesit zbulojnë një qelizë të re të trurit të ngjashme me GPS

Shkencëtarët në Mbretërinë e Bashkuar thonë se kanë zbuluar një qelizë të re “të ndjeshme në distancë”, e cila vepron si një GPS për trurin.

Studimi i tyre, i botuar në Nature Neuroscience , u detajua në një raport nga Study Finds. Studiuesit nga Universiteti i Durhamit zbuluan se këto qeliza regjistrojnë sa larg udhëtojmë dhe madje mund të shënojnë vendndodhjet e objekteve dhe pikave të referimit gjatë rrugës.

Truri i gjithsecilit përmban këto qeliza të trurit “si GPS”. Këto qeliza janë përgjegjëse për hartëzimin e vendeve që një person ka parë tashmë, si një rrugë nga qendra tregtare apo edhe ku keni vendosur për herë të fundit çelësat e makinës.

“Zbulimi i qelizave të Gjurmës Vektor është veçanërisht i rëndësishëm pasi ato gjenden në zonën e trurit që është e para që sulmohet nga çrregullime të tilla si sëmundja e Alzheimerit,”u tha ne një deklaratë në faqen e internetit të universitetit. “Kjo mund të shpjegojë pse një simptomë e zakonshme e sëmundjes, dhe një shenjë kryesore e paralajmërimit të hershëm, është humbja ose vendosja e gabuar e objekteve.

“Ndërsa kërkimi i ri zbulon nivele të mëtejshme të kujtesës sonë, e cila shpesh humbet me dëmtimin e trurit dhe plakjen, kjo mund të çojë në më shumë kuptim rreth llojeve të caktuara të demencës dhe të ndihmojë në zbulimin e mënyrave të reja për diagnostikimin e hershëm dhe terapitë më efektive.”

Studimi u drejtua nga Dr. Stephen Poulter dhe Dr. Colin Lever, anëtarë të Qendrës së Proceseve të Mësimit dhe Kujtesës në Durham./ CNA.al

Marrë nga Newsmax