Për herë të parë në historinë e marëdhënieve mes Shqipërisë dhe Danimarkës, një Kryetar i parlamentit danez viziton vendin tonë me ftesë të Kryetares së Kuvendit, Jozefina Topalli. Lykketoft: Rritja ekonomike e Shqipërisë,unike në këtë kohë krize globale
Për herë të parë në historinë e marëdhënieve mes Shqipërisë dhe Danimarkës, një Kryetar i parlamentit danez viziton vendin tonë, duke iu përgjigjur ftesës së Kryetares së Kuvendit, Jozefina Topalli.
Vizita e Kryetarit të Parlamentit të Danimarkës, Mogens Lykketoft, një ndër personalitetet më të larta të politikës daneze dhe europiane vjen në 100 vjetorin e Pavarësisë së Shqipërisë dhe pak ditë pasi Komisioni Europian ka rekomanduar dhënien e statusit të vendit kandidat për Shqipërinë.
Jam i lumtur që ve re se Shqipëria ka një transformim të jashtëzakonshëm, me ndryshime të thella pozitive, tha zoti Lykketoft, dhe kjo është një nga arsyet se pse jam shumë i kënaqur që jam sot këtu. Ky progres është evidentuar edhe në raportin e fundit të KE-së dhe ky është një fakt shumë pozitiv
Ne në Danimarkë jami të impresionuar nga progresi i Shqipërisë dhe mbështesim fuqimisht aspiratën europiane të shqiptarëve. Shqipëria është një faktor stabiliteti në rajon dhe Europa duhet ta kuptojë e ta vlerësojë këtë fakt”, tha ai.
Kryetarja e Kuvendit tha se ndihet e nderuar dhe e privilegjuar që pret në Tiranë një figurë politike të këtij niveli të lartë si zoti Lykketoft. “Është shumë e rëndësishme tha zonja Jozefina Topalli që të kemi marrëdhënie të ngushta me vendin tuaj, i cili ka qenë një mbështetje e madhe në rrugën tonë drejt BE-së.”
Kryetarja e Kuvendit tha se përshpejtimi i hapava drejt antarësimit në BE është krejtësisht i mundshëm dhe urojmë që opozita do të tregohet e përgjegjshme e të votojë ligjet e integrimit në të mirë të së ardhmes europiane të Shqipërisë.
Duke u dnalur në zhvillimet në rajon Kryetarja e Kuvendit falenderoi Danimarkën për mbështetjen dhënë Kosovës, duke u shprehur optimiste për të ardhmen e këtij vendi.
Zoti Lykketoft, ish Ministër i Ekonomisë dhe Financave vlerësoi rritjen ekonomike të Shqipërisë si unike në këtë kohë të krizës europiane dhe globale.
Per”Alba – Dansk” Shkodrani
Leave a Reply