*Kanceri i mëlçisë shpesh nuk jep shenja në fazat shumë të hershme, por ka disa simptoma që mund të jenë tregues të parë. Ja 5 prej tyre që duhen marrë seriozisht:
1. Humbje e pashpjegueshme në peshë
Nëse po humbni peshë pa ndryshuar dietën ose aktivitetin fizik, kjo mund të jetë shenjë e problemeve në mëlçi, përfshirë edhe kancerin.
2. Humbje e oreksit dhe ndjesi ngopjeje të hershme
Mund të ndiheni të ngopur shpejt, edhe me sasi të vogla ushqimi. Kjo lidhet me zmadhimin e mëlçisë ose prishjen e funksionit të saj.
3. Dhimbje ose ndjesi rëndese në anën e djathtë të barkut
Kjo ndodh kur tumori në mëlçi rritet dhe shtyp organet përreth ose vetë indin e mëlçisë.
4. Fryrje të barkut (ascit)
Akumulimi i lëngjeve në bark mund të jetë një nga simptomat e para të kancerit të mëlçisë, sidomos nëse shoqërohet me ndjesi tensioni apo fryrjeje.
5. Ngjyra e verdhë në lëkurë dhe sy (verdhëza)
Kjo ndodh kur mëlçia nuk e përpunon siç duhet bilirubinën. Verdhëza është një simptomë klasike që mund të sinjalizojë probleme serioze në mëlçi.
Nëse vëren ndonjërën prej këtyre shenjave dhe ato zgjasin për më shumë se pak ditë, është e rëndësishme të bëni analiza dhe të konsultoheni me një mjek për diagnozë të saktë.
Burimi/Facebook
Leave a Reply