Premto vetëm se kur të ngrihesh, do ndihmosh edhe ti dikë në nevojë.

Një grua, Meri Xhonson, po paketonte plaçkat në heshtje. Dhoma ishte pothuajse bosh. Në dorë mbante letrën e divorcit dhe sytë iu mbushën me lot. Në atë çast trokiti dera dhe një burrë me uniformë iu afrua.
– Zonja Meri Xhonson, ju lutem, duhet të largoheni nga shtëpia.
– Ju lutem… nuk jam ende gati. Im shoq më braktisi. Jam vetëm… nuk kam ku të shkoj…
– Më vjen keq zonjë, por unë po zbatoj urdhrin. Shtëpia është shitur në ankand dhe pronari i ri ka të drejtë ta marrë në zotërim.
– Vetëm deri në orën pesë, të lutem… më lejo të mbledh gjërat e mia…
– Nuk mundem, zonjë.
Në atë moment, dera u hap dhe hyri një burrë me një letër në dorë.
– Zonja nuk do të largohet. Ja ku është certifikata e pronësisë. Lexoje emrin.
Burri me uniformë hapi sytë i habitur dhe lexoi me zë të lartë:
– Meri Xhonson…?!
– Po, – tha i panjohuri, – unë e bleva këtë shtëpi në ankand dhe ia dhurova asaj. Ajo është pronarja e re. Tani, ju lutem, largohuni.
Oficeri u tërhoq në heshtje.
Meri, me duart që i dridheshin, mori certifikatën.
– Pse e bëtë këtë për mua? As nuk më njihni…
Burri buzëqeshi me butësi.
– Ndoshta ti nuk më kujton. Por unë të kam takuar, shumë vite më parë. Ishe me burrin tënd, kur unë, vetëm dhjetë vjeç, i uritur e pa strehë, të luta për pak ushqim.
Burrit tënd nuk i pëlqeu. Por ti qave… hape çantën, dhe megjithëse ishin paratë për qiranë, m’i dhe të gjitha. Pastaj më dhe edhe varësen që të kishte lënë mamaja jote, dhe the:
“Merr dhe premto që kur të ngrihesh në këmbë, do ndihmosh dikë tjetër që ka nevojë.”
Që nga ajo ditë, unë punova fort. Sot kam një biznes në pasuri të paluajtshme. Kur pashë emrin tënd në listën e ankandit, zemra më ndaloi. E si mund ta harroja unë emrin që ishte gdhendur në varësen që kam mbajtur gjithë këto vite?
Ja ku është… – tha ai duke ia zgjatur varësen. – Po ta kthej.
Meri shpërtheu në lot.
– Nuk do mundem kurrë ta shpërblej këtë që ke bërë.
– E kush tha që dua shpërblim? – buzëqeshi ai. – Një grua e mençur dikur më tha:
“Nëse jep me zemër, të kthehet shumëfish.”
Premto vetëm se kur të ngrihesh, do ndihmosh edhe ti dikë në nevojë.🤍
Thenie te bukura Një klik për ty, një buzëqeshje për ne!

Burimi/Facebook/Thenie te bukura