Nga Leonard Koja
Pyetje 1: Z. Gjuzi, ju dhe konservatorët jeni bashkuar me koalicionin “Aleanca për Shqipërinë Madhështore”. Cili është objektivi kryesor i këtij grupimi politik?
Aleanca për Shqipërinë Madhështore është një bashkim politik i forcave që besojnë në rikthimin e vlerave kombëtare dhe ndërtimin e një shteti të së drejtës. Objektivi ynë kryesor është të rrëzojmë regjimin e Narko-Ramës dhe të vendosim një qeverisje transparente, që respekton ligjin dhe interesat e qytetarëve. Ky koalicion përfaqëson një opozitë të fortë dhe të pakompromis ndaj korrupsionit, krimit të organizuar dhe tradhtisë kombëtare që ka karakterizuar 12 vitet e fundit të qeverisjes socialiste.
Pyetje 2: Cilat janë shanset reale që “Aleanca për Shqipërinë Madhështore” të marrë mbështetje të gjerë nga qytetarët?
Shanset tona janë të mëdha, sepse përfaqësojmë një alternativë të vërtetë dhe të sprovuar. Nuk jemi një grupim i krijuar për interesa të momentit, por një forcë politike e ndërtuar mbi vlera dhe parime të forta. Shqiptarët e kanë kuptuar se vendi është në një gjendje katastrofike për shkak të korrupsionit, kapjes së shtetit dhe shkatërrimit ekonomik. Ne sjellim një politikë të bazuar në karakter, dinjitet dhe traditat më të mira kombëtare.
Pyetje 3: Çfarë përfaqëson ky koalicion në aspektin ideologjik?
Aleanca jonë është një bashkim i 26 partive politike, duke përfshirë forcave social-demokrate, kristiane dhe konservatore. Kjo diversitet ideologjik na jep një dimension unik, sepse përfaqësojmë interesat e të gjithë shtresave shoqërore. Programi ynë ka si bazë:
• Rishpërndarjen e drejtë të taksave dhe tarifave
• Mbështetje financiare për çdo qytetar me standardin minimal prej 200 eurosh
• Pension minimal prej 300 eurosh, i garantuar për meshkujt mbi 65 vjeç dhe gratë mbi 60 vjeç, pavarësisht viteve të punës
• Strehim social për çiftet e reja, duke ndaluar emigracionin masiv dhe duke garantuar një jetë të sigurt për familjet shqiptare
Pyetje 4: Si do ta përshkruanit qasjen politike të konservatorëve?
Ne jemi një forcë politike me parime të qarta dhe të pandryshueshme. Konservatorët janë të drejtpërdrejtë dhe të ndershëm me qytetarët. Ne themi të vërtetën pa dorashka, siç thotë populli: “Fol Shqip, fol açik!” Në një kohë kur politika është mbushur me gënjeshtra dhe mashtrime, ne i qëndrojmë besnikë parimeve tona dhe interesave kombëtare.
Pyetje 5: Si do të integrohen të përndjekurit politikë në programin tuaj?
Të përndjekurit politikë janë një shtresë që ka vuajtur më shumë nga regjimet e kaluara dhe nga padrejtësitë e tranzicionit. Ne do të sigurojmë dy gjëra thelbësore për ta:
1. Një Shqipëri Madhështore me kulturë konservatore, që respekton vlerat dhe sakrificat e tyre.
2. Një ligj detyrues për pjesëmarrjen në votime, në mënyrë që çdo qytetar të ushtrojë të drejtën e tij kushtetuese dhe të marrë pjesë aktive në ndërtimin e vendit.
Pyetje 6: Pse e konsideroni qeverinë e Ramës si të korruptuar dhe antikombëtare?
Qeveria 12-vjeçare e Ramës ka qenë një fatkeqësi kombëtare. Disa nga krimet e saj më të mëdha përfshijnë:
• Shpopullimin e Shqipërisë përmes varfërisë dhe mungesës së perspektivës
• Shtypjen dhe kufizimin e lirive kushtetuese gjatë pandemisë, duke instaluar një juntë ushtarake midis 14 marsit dhe 13 prillit 2020
• Përkrahjen e projekteve që favorizojnë Serbinë dhe interesat greko-sllave, në dëm të shqiptarëve
• Vendosjen e një regjimi gjobëvënës që diskriminon Veriun e Shqipërisë përmes tarifave të larta në autostradën Kashar-Morinë
Pyetje 7: Në rast fitoreje, a do të jenë konservatorët pjesë e qeverisjes?
Patjetër! Ne do të jemi një pjesë kyçe e qeverisjes qendrore. Konservatorët do të sjellin stabilitet, integritet dhe një vizion afatgjatë për zhvillimin e vendit.
Pyetje 8: Çfarë do të ndodhë me Rilindjen pas fitores suaj?
Ne nuk do të ndalemi derisa të çmontojmë këtë strukturë kriminale. Rilindja ka qenë organizata më e rrezikshme politike që ka sunduar Shqipërinë, dhe ne do ta nxjerrim para drejtësisë.
Pyetje 9: Cili është roli i diasporës në vizionin tuaj politik?
Diaspora shqiptare ka mbajtur Shqipërinë me remitanca për 35 vjet, duke kontribuar me 1/4 e Prodhimit të Brendshëm Bruto. Ne do të sigurojmë përfaqësimin e saj në Kuvendin e Shqipërisë dhe do të ndërtojmë një mekanizëm të ri për integrimin e shqiptarëve të diasporës në jetën politike dhe ekonomike të vendit.
Pyetje 10: Si e shihni rolin e liderit në shoqëri?
Lideri është busulla e një kombi. Institucioni i “Bacës” është një traditë pellazge-Ilire 5200-vjeçare, e cila simbolizon udhëheqësin që mbron popullin dhe mban fjalën e dhënë.
Pyetje 11: Si do ta ndaloni fenomenin e shitblerjes së votës?
Shitblerja e votës është një fenomen kriminal i sponsorizuar nga Soros dhe ideologjitë marksiste. Aleanca jonë konservatore do të vendosë ligje të forta për ta ndaluar këtë fenomen dhe për të rikthyer zgjedhje të lira dhe të ndershme.
Pyetje 12: Cila është mesazhi juaj për zgjedhjet e ardhshme?
Shqiptarë, votoni për Shqipërinë Madhështore! Kemi lindur si komb europian dhe duhet të rikthehemi në vendin që na takon me dinjitet dhe forcë.
Pyetje 13: Si i vlerësoni analistët e mediave?
Shumë prej tyre janë të korruptuar dhe punojnë për interesa të huaja. Janë mohues të vlerave të vërteta dhe përpiqen të mbulojnë realitetin me propagandë boshe.
Pyetje 14: Cili është vizioni juaj për Shqipërinë e ardhshme?
Një Shqipëri me qytetarë të lumtur, ekonomi të fortë, fshatra të gjallëruar dhe dinjitet të rikthyer.
Pyetje 15: Pse shqiptarët duhet ta besojnë Aleancën për Shqipërinë Madhështore?
Sepse jemi grupimi më i ndershëm, më korrekt dhe më i vendosur për të çrrënjosur korrupsionin dhe për ta çuar Shqipërinë drejt madhështisë që meriton.
Çfar mund të shtoni diçka për mbyllje zoti Gjuzi?
Mbyllje:
Aleanca për Shqipërinë Madhështore nuk është thjesht një grupim politik, por një lëvizje kombëtare që synon rikthimin e dinjitetit, ligjit dhe drejtësisë në Shqipëri. Në këtë betejë për të ardhmen e vendit, ne nuk do të ndalemi derisa të sjellim një qeverisje të drejtë, të ndershme dhe të orientuar drejt interesit kombëtar.
Shqipëria nuk mund të jetë më një vend i varfërisë, emigracionit dhe korrupsionit. Është koha për ta ndërtuar një të ardhme të re, ku çdo shqiptar të ketë mundësinë të jetojë me dinjitet në vendin e tij. Me vullnetin e popullit dhe vendosmërinë tonë, ne do ta çmontojmë sistemin e vjetër dhe do të sjellim një epokë të re për Shqipërinë Europiane.
Zgjedhja është në duart e qytetarëve. Shqipëria ka nevojë për një ndryshim të vërtetë! Voto për një Shqipëri Madhështore!
Përgatiti:
Koja Leonard:
Burimi/Alb Media
Leave a Reply