Para pak vitesh u çel një debat në rrjete sociale lidhur me ndryshimin e emrit të gjimnazit “Asim Vokshi” në Malsinë e Gjakovës -Tropojë.
Asokohe dhe sot i përmbahem idesë se ky gjimnaz duhet të marrë emrin e profesor Rexhep Krasniqit.
Rexhep Krasniqi u birësue qysh 8-vjeç nga Bajram Curri pasi mbeti jetim në katundin Koçanaj të Malsisë së Gjakovës.
Deri sa ndërroi jetë, baca Bajram e quajti gjithmonë “djali i shpirtit”
.
Pas mbarimit té arsimit fillor, Bajram Curri e çon Rexhep Krasniqin në gjimnazin e Shkodrës.
Në vitin 1919-ë kur studionte në këtë gjimnaz, Krasniqi bahet pjesë e ekipit të futbollit “Vllaznia” .
I pari malsor futbollist.
Pas mbarimit të gjimnazit, Bajram Curri ia mundëson vijimin e studimeve të larta né Austri.
Rexhep Krasniqi doktoron në Histori- Filozofi duke mbrojtur tezën “Kongresi i Berlinit dhe Shqipëria Verilindore”.
Udhëheqës të punimit pati Dr. Karl Potsch, drejtor i Institutit Ballkanik në Vjenë, një nga njohësit ma të mirë të çështjeve ballkanike
I pari malsor doktor i shkencave, i pari që dokumenton vendlindjen e tij në një punim shkencor në një institucion prestigjoz të arsimit në Evropë.
Në Shqipni punon si profesor në gjimnazin e Gjirokastrës.
Në vitin 1941 emërohet nga Ernest Koliqi si drejtori i parë i liceut “Sami Frashëri” në Prishtinë, lice në të cilin përhapën dijen dhe frymën atdhedashëse mendjet e ndritura të Kosovës si profesorët Gjon Serreqi, Ymer Berisha, Adem Gllavica apo Ahmet Gashi i cili kishte drejtue për dy dekada “Normalen e Elbasanit”.
Ishte e para shkollë e mesme në gjuhën shqipe në Kosovë.
Një personalitet si Rexhep Krasniqi do të ishte i denjë dhe për emërtime universitare, ndërkohë që emërtimi i gjimnazit të Malsisé së Gjakovës – Tropojës me emrin e tij do të ishte minimumi i nderimit për një shqiptar e malsor të ditur e patriot që i dha shumë kombit të tij.
Në foto: Profesor Rexhep Krasniqi me mbesën e Jeronim De Radës në një katund arbëresh.
Nga Saimir Kalbaj
Burimi/Facebook/Rroji M Denata/GEGNISHT
Leave a Reply