Nga Skënder Sadri KAPITI
Duke vështruar realitetin shqiptar në të dy shtetet shqiptare, faktin se në Shqipëri ka pllakosur korrupsion i jashtëzakonshëm gjithinstitucional politik dhe qeveritaro-shtetëror, dhe tjetrin që Kosova sot po përballet ashpër jo vetëm me politikën dhe me makinerinë shtetërore të Serbisë dhe aleatët e saj, por dhe me opozitën e me ndërkombëtarët, si dhe për faktin tjetër që Kosova nuk ka ne mbështetje as qeverinë e Tiranës atëhere është detyre patriotike në radhë të parë e intelektualëve si dhe e gazetarëve dhe opinionit që ta mbështesin qeverinë e përgjegjshme të Albin Kurtit. Dhe për këtë arësye po i drejtoj publikut këtë pyetsor.
Për t’u përgjigjur këtij pyetsori po bëj disa pyetje dhe ftoj që edhe të debatohet për pikat e pyetjet e mëposhtme edhe në mënyrë krahasimore me paraardhësit e Kurtit; edhe në ballafaqim me opozitën politike dhe mediat në Kosovë, si dhe mediat dhe me politikën e Tiranës:
A jeni dakord me politikën e Albin Kurtit, me politikën e reciprocitetit në marrëdhëniet me shtetet e tjera dhe me Serbinë?
A jeni dakord me politikën e hapur, transparente, të drejtpërdrejtë dhe të sinqertë të Albin Kurtit me publikun shqiptar, me votuesit, me shoqërinë shqiptare edhe me aleatët ndërkombëtarë?
A jeni dakord me Albin KURTIN , si kryeshërbëtor i popullit, si i pakorrupuar dhe si i pakompromis me korrupsionin dhe as me interesat korruptive të politikës, të oligarkëve dhe të mediave?
A jeni dakord me politikën shtetërore aspak inferiore dhe të dinjitetshme që ndjek Kryeministri i Kosovës në ndërtimin e shtetit ligjor, në marrëdhënit ndërkombëtare dhe të shtrirjes dhe të vendosjes së sundimit të ligjit dhe të sovranitetit e legjitimitetit shtetëror në të gjithë territorin e Kosovës?
A jeni dakord me politikën triumfatore të Albin Kurtit kundër planeve dhe presioneve në dëm të interesave të Kosovës, coptimit të Kosovës dhe kundër projektit të Open Ballkanit?
I dashur Skënder,
Të gjitha ata që ju duan dhe Ju respektojnë për formimin tuaj të shkëlqyer nacionalist, duhet t’ju përgjigjen si më poshtë:
“Po, jemi plotësisht dakord me Albin Kurtin, si i vetmi udhëheqës emblematik në radhët e krejt kombit shqiptar, se jemi të bindur që Ai nuk do të lejojë në asnjë mënyrë krijimin e një shteti serb brenda territorit të Republikës së Dardanisë. Besojmë dhe shpresojmë shumë që Albini do të krijojë edhe Degën e Vetëvendosjes në Shqipëri”.
Kjo është edhe përgjigjja ime, i shtrenjti miku im Skënder.
Eshref Ymeri
Kaliforni, 22 korrik 2024
Burimi/Derguar nga Autori
Leave a Reply