Nga Rush Dragu
U ndjemë thellësisht keq kur pamë në rrjetet sociale pamje të disa të rinjve pa një kauzë të qartë, pa ide dhe pa asnjë lidhje me frymën e «Flamingove» apo me studentët protestues në Tiranë.
Ata nuk përfaqësonin zërin e studentëve. Përkundrazi, pamjet krijuan përshtypjen e një përpjekjeje për të përzier protestën qytetare me njerëz që dukeshin sikur ishin aty për t’i shërbyer pushtetit.
Studentët kanë zërin e tyre, kanë kërkesat e tyre dhe nuk mund të përdoren si dekor i asnjë skenari politik.
Nëse këto veprime synonin të njollosnin «Flamingot» dhe protestuesit, atëherë pyetja është e thjeshtë: kujt i shërben përçarja e tyre?
Shqipëria nuk ka nevojë për inskenime, akuza të ndërsjella dhe përplasje mes qytetarëve. Ka nevojë për të vërtetën, përgjegjësi dhe respekt për zërin e lirë të njerëzve.
Edi Rama, ndale dorën!
Historia duhet të na shërbejë si mësim, jo si paralajmërim që përsëritet. Gjergj Fishta, një nga figurat më të mëdha të kulturës shqiptare, mbetet simbol i një trashëgimie që asnjë pushtet nuk mund ta fshijë.
Duke kujtuar plagët e së kaluarës, nuk duhet të lejojmë që urrejtja politike, përçarja dhe hakmarrja të na çojnë sërish drejt tragjedive që shqiptarët i kanë përjetuar më parë.
Asnjë pushtet nuk është mbi popullin. Asnjë karrige nuk vlen më shumë se paqja dhe dinjiteti i shqiptarëve.
Edi Rama, ndale dorën!
Boll është boll!
Shqipëria nuk është pronë e askujt. Pushteti është i përkohshëm, por përgjegjësia para historisë dhe popullit mbetet.
Burimi/Facebook/AlbDreams Televizion
Leave a Reply