Halil Geci – LIRIM GASHI THOTË: “SHTETI PARALEL SERB KA VDEKUR NË VERI TË KOSOVËS”

UNË, HALIL GECI, PO THEM: BASHKË ME TË PO SHUHET EDHE POLITIKA E TREGTARËVE TË BLLOKADËS SË ATDHEUT.
Duke iu referuar analizës së Lirim Gashit, edhe RTV shtetëror të serbisë, që vepron nën ndikimin politik të presidentit Aleksandar Vuçiq ,nuk po mund ta fshehë më realitetin në veri të Kosovës.
Sipas LIRIMIT strukturat paralele serbe janë shpërbërë.
— Institucionet dhe administrata ilegale janë mbyllur,
— Rrjetet e kontrabandës, trafikut të qenieve njerëzore dhe plantacionet e drogës janë goditur.
Armët dhe pajisjet e veprimtarive kriminale janë konfiskuar.
— Objektet e paligjshme janë rrënuar ose sekuestruar, ndërsa persona të dyshuar për veprimtari kriminale dhe bashkëpunim me shërbimet sekrete serbe janë arrestuar.
—Sipas tij, në veri po zbatohet gjithnjë e më shumë ligji i Republikës së Kosovës dhe, bashkë me rënien e strukturave paralele serbe, po shembet edhe rrjeti i atyre shçiptarellave që për vite me radhë përfituan politikisht dhe ekonomikisht nga bllokimi i shtetit.
Nëse shteti paralel serb në veri po merr fund, atëherë po merr fund edhe politika OPOZITARE që për vite me radhë e përdorën veriun si mjet për pazare politike, bllokada institucionale dhe përfitime personale.
Kur shtrihet ligji dhe forcohet autoriteti i shtetit, zbehen edhe interesat e atyre që mbijetuan nga kaosi, kontrabanda dhe krizat e qëllimshme.
Sa më i fortë të jetë shteti i Kosovës në çdo pjesë të territorit të tij, aq më pak hapësirë mbetet për struktura paralele dhe për politikën e atyre që ushqehen nga bllokimi i institucioneve dhe dobësimi i shtetit.
Bllokada e opozitës, sipas bindjes sime, vetëm sa e ka forcuar mbështetjen qytetare për koalicionin Kurti – Gërvalla – Alternativa – PSHDK.
Kudo që ndalem e bisedoj me qytetarë, shumë prej tyre më thonë: “Po presim me padurim ditën e zgjedhjeve. Thuaji Albin Kurtit të mos shqetësohet e të mos humbasë kohë duke u lutur opozitës. Përgjigjen do ta japim ne me votë.”
Shumë prej tyre shprehen se bllokada politike i ka zhgënjyer dhe i ka hidhëruar thellë. Sipas tyre, ata që kanë penguar funksionimin normal të institucioneve do ta marrin përgjigjen në kutinë e votimit.
Qytetarët me të cilët po bisedoj shprehen se janë thellësisht të hidhëruar me bllokadën politike. Shumë prej tyre thonë: “Nëse 51% nuk po i mjafton opozitës për ta respektuar vullnetin e qytetarëve, atëherë na priftë e mbara drejt 81%!”

Burimi/Facebook