Për herë të parë në Cerea, qytezë jo larg nga Verona, kisha shkuar para 24 vitesh. Personi që më mori me vete, kishte qëllim të vizitonte merkatën e mobiljeve antike, pasi atje është kulturë e biznes i trashëguar prej shekujsh. Dje pata rastin të shkoj përsëri dhe pikërisht në një ndërtesë antike. Në ballinën e kësaj ndërtese ishte një logo ku shkruhej Focus d’Artista. Dhe artisti në fjalë është djali nga Tirana, Andrea Zanchetta Tufina. Para më shumë se dy muajsh, piktori Andrea solli në një ekspozitë të organizuar nga Lidhja e Shkrimtarëve dhe Artistëve disa punime të zgjedhuar enkas. Ndërsa në Cerea, më 14 korrik 2024 inaguroi një ekspozitë krejt të tijën.- Të dielën bëhet inagurimi i ekspozitës me punimet e Andreas.- Të dielën në mëngjes vij nga turni i tretë dhe tek ata të dy shkoj me plot dëshirë. – m’i përgjigj Marjana. Mbërritëm pak përpara dhe bëmë një xhiro në rrugët e qytetit të vogël. U takuam dhe me Mirela Shelen e Skender Lazajn dhe iu bashkuam grupit që priste të pritej shiriti i inagurimit të ekspozitës. Shefja e Kulturës pranë Komunës preu shiritin dhe na ftoi të vizitonim punimet e ekspozuara. Në fillim, piktori Andrea dhe Elena shpjeguan përmbledhtas frymëzimet, motivacionet dhe ambiciet që çuan në hapjen e kësaj ekspozite. Autori i kishte ekspozuar punimet në katër ambiente. Në hyrje të dukej vetja sikur kaloje në një paradë nderi, pasi në të dy anët ishin vendosur portrete. Vendosja me shikim sa nga dera, sa nga korridori që krijohej mes tyre krijonte përshtypjen sikur të shihnin ngultas vajza të reja që ishin fiksuar në portretet. Autori punon me një stil krejt të tijin. Formës i kushton shumë rëndësi. Ndërsa ngjyrat në portretet i përdor të theksuara dhe pa nuanca. Në një tjetër ambient autori kishte vendosur piktura që sjellin reagime shoqërore. Duke qenë person i dhënë pas humorit, ka në shpirt sensin e ngacmimit. Dhe këto ngacmime, di t’i përçojë me mjeshtri tek lexuesi. Në një mjedis të vogël janë të vedosura dhe për ca ditë ca piktura që shprehin meditimin e femrës, sensin e lirisë, misteret e shikimit të saj dhe reagimin ndaj botës që e rrethon. Tepër interesante piktura me mesazhin e brutalitetit të dhunës ndaj femrës. Duke qenë Andrea i autor i kontrasteve, në një mjedis me ndriçim romantik janë ekspozuar me shije disa nga punimet e tij me tematikën e ndjenjës së dashurisë. Autori di bukur të lozë me personazhet, me format dhe, mbi të gjitha, të përcjellë përflakjen që shkakton kjo ndjenjë transformuese, përmes ngjyrave gri edhe e kuqe me një farë transparence. Si artist në shpirt, bashkë me Elenën transmetonin sensin e adhurimit e pastërtisë. Në veshjet e tyre predominonte e bardha që transmeton sinqeritet, elegancë e klas. Dhe kjo, në linjë me gjithçka ekspozohej …
Burimi/Facebook
Leave a Reply