Nga Dr. Adil Mustafa Tirane 17-05-2024
Zgjedhjet përfunduan. Lëmshi për formimin e kualicioneve për qeverinë post zgjedhore u zgjidh. Partia fituese në kampin maqedonas do te krijojë kabinetin e ri me formacion politik shqiptar VLEN. Nuk ka kurrfarë dyshimi për këtë gjë!
Të gjitha teoritë konspirative se mund të ketë ndonjë marifet bie poshtë. Si duket krijimi i qeverisë VMRO-DPMNE –VLEN, ka marrë edhe bekimin e shteteve te Bashkuara të Amerikës. Nuk ishte rastësi zbarkimi i nje autoriteti te larte amerikan ne Shkup menjehere pas perfundimit te procesit zgjedhor.
Problemi qendron se cfare do te ndodhe me qeverine e re, sesi do te zgjedhen problemet e shqiptare, cfare do te ndodhe me raportet nderetnike e nderfqinjesore , cili do te jete orientimi i shtetit etj.
Në kushte të tilla duhet bërë një lloj skaneri i dy protagonisteve. Kreu i VMRO-se duhet te kuptoje se të qenit në opozitë ia lejon të përdorë propaganda pa recet. Ndërsa në qeveri eshte krejëtsisht ndryshe, së pari duhet të kuptoj se relaksimi i marrëdhënive ndëretnike është kushti paresor për të patur një nisje të mbarë. Ai duhet të udhëhiqet me moton: ky është momenti i fundit për një fillim të ri për ardhmërinë e shtetit, ndryshe do të jetë fund i këtij shteti.
Cfarë duhet bërë?
Formacioni fitues maqedonas duhet që të nisë punën me ndryshimet kushtetuese. Është hap iparë i kthimit në normalitetin e një shteti multietnik. Nuk e kam fjalën për ndryshim kushtetutë thjeshtë në koncep, por në zbatimin e saj që do të thotë barazi e plotë mes etnitetëve, konkretisht atij shqiptar. Gjuha, simbolet, barazi në administratën publike dhe në insitucionet e sistemit, ndarje të barabartë të buxhetit, etj.
Kryeministri i ri me gjasë Mickovski duhet të mësojë nga gabimet e parardhësit të tij Nikolla Gruevski se nuk mund ta fitoje të drejtën me të vertetat historike të shqiptarëve dhe as nuk mund të qëndrojë gjatë në pushtet duke prodhuar kriza etnike. Ai duhet ta kuptoje se fati i shtetit varet kryesisht nga dy faktorë të rëndësishëm: Barazi mes shqiptarëve dhe maqedonasve dhe orientin drejt Perendimit dhe SHBA-ve. Cdo alternativë tjetër do ti kthehet atij, partisë që përfaqëson dhe vetë shtetit në boomerang.
A e ka vizionin, qartësinë, vendosmërinë, vullnetin e kapacitetin për ta ndryshuar konceptin e shtetit monoetnik? Kjo pritet të shihet që në 100 ditët e para të qeverisjes!
Unë jam mosbesues ndaj lidershipit maqedonas dhe kam të drejtën e gjithë botës që të jem i tillë.Shkaku është se kam përshtypjen se VMRO-DPMNE vazhdon të instruktohet nga Nikolla Gruevski. Në këtë pikë dua të jem i gabuar, mirëpo retorika e Mickovskit gjatë fushatës zgjedhore ishte i modelit Gruevski. Po ashtu edhe deklarata e tij se “unë e emërtoj shtetit tim si dua unë” është qesharakë. Ai mund të vendosë cfarëdo lloj emri pjestarëve të familjes së tij, por jo të hedhë poshtë një marrëveshje të ndërkombtarizuar.
Ai quhet të jetë i qartë se me kë është me Perendimin e SHBA-në apo me Rusinë e Serbinë. Mickovski dhe ekipi i tij nuk e ka as kapacitetin e as fuqinë që të luajë rolin e “qingjit që pi në dy nëna”. Këto janë më shumë rëndësi dhe serioze, ndaj ai duhët të dëshmojë qartë orientimin e qeverisjes.
E thashë dhe me herët se nuk bësoj të vizioni dhe konstruktiviteti i palës maqedonas, por mbetem me shpresë te vendosmëria e VLEN për ta kushtëzuar partnerin e tij.
Vleni duhet të ndërmarrë aksione që vlejnë për ardhmërinë dhe perceptivëtn e shqiptarëve. Duket tu tregojë partnerëve maqedonas që ka ardh koha e ndryshimeve të mëdha. Duhet tua bëjë të qartë se nuk marrin pjesë të qeveri si patëricë, por si factor i rëndësishëm për të përmbushur të drejtat etnike të shqiptarëve.
VLEN, ka shancin e madh që të tregojë sesa vlen për të ndryshuar kushtetutën, për ti dhënë fund diskriminimit të shqiptarëve, për të punuar fort për mirëqënie ekonomike, për të ndaluar hemoragjinë e largimit të të rinjve, për të luftuar krimin e korrupsionin, për tu investuar të shqiptarët në arsim, kulturë, shendëtësi, të mirëqënie sociale.
Për të realizuar këto objektiva, VLEN duhet të zgjedhe përfaqësuesit të saj në qeveri, të aftë, të vendosur, të përkushtuar dhe ekspertë. VLEN, duhet të përfaqësohet nga të rinj e të reja që janë të mirëarsimuar e të kualifikuar.
VLEN duhet tu dëshmojë shqiptarëve se po ulët në tryezën e bisedimeve me një program qeverisës ku të drejtat legjitime të shqiptarëve janë të panegocieshme, që ndryshimi i kushtetutës është kushti elementar për bashkëqeverisje.
VLEN duhet të shprehet qartë se është kundër cdo tentative për të rihapur plagë të vjetra me fqinjët, që është kadegorikisht kundër qoftë dhe flirtimit të Beogradin e Moskën.
Kolegu Arben Taravari( meqë me profesion është mjek) duhet ti vendosë në tavolinë Mickovskit “barnat” e shërimit të plagëve të shtetit. Ai duhet ta bëjë të qartë: vetëm barazia mes shqiptarëve dhe maqedonasve e shëron këtë shtet nga krizat, vetëm orientimi pro evropian ia shton jetëgjatësinë shtetit, vetëm aleanca me SHBA-në e mban në këmbë këtë shtet.
Të presim e të shohim: FUNDI I FILLIMIT TË RI, APO FILLIMI I FUNDIT TË SHTETIT!
Burimi/Derguar nga Autori
Leave a Reply