Shoh thellë në det
Me sy lart në qiell
Ju duket vetja mbret
Në ditën me diell
Si statujë e bronztë
Me argjend të derdhur
Njerëz të rëndomtë
Të çmendur, të rrjedhur
Babi flet për SPAK
Mami për ekonomi
E unë nuk dyshoj aspak
Për më të mirën Shqipëri
Gjënë më të thjeshtë
E bëjnë të vështirë
Të vyshkur në vjeshtë
Të rritur si egërsirë
Nuk rrinë dot drejtë
Por se lëshojnë thesin
Ju duket vetja mbret
Në mbrëmje hanë mëngjesin
Në dukje të rinj
Por në zemër janë pleq
Në kokë kanë brirë
Duken porsi dreq
Për pak para me shumë
Shesin njerëzit e vet
Edhe kur janë në gjumë
Ju duket vetja mbret
Të shëndoshë si thes
Nuk i nxë shtëpia
Dru i thyer në mes
I bërë nga lajthia
Shoh thellë në det
Mes tij thellë zhytur
Ju duket vetja mbret
Edhe pse janë duke u mbytur
Të pasur të pangopur
Idiota me pushtet
Nga brenda të ndotur
Ju duket vetja mbret
Gjithë sa më sipër
E kam shkruar vetë
Për gjithë drejtuesit tanë
Që edhe pse në korrupsion janë zhytur
Ju duket vetja mbret
Në sheshet që pushtojnë
Mbi njerëzit bërtasin
Ditën i drejtojnë
Dhe natën i vrasin
Të jemi të sigurt
Ta di dhe çdo parti
Se dhe në rrethimin më të ngurtë
Do japin llogari
Le t’ju duket vetja mbret
Një javë, një muaj, a një vit
Por do t’i hedhim thellë në det
Me të gjithë poshtërsitë
Shkruar nga Roland Islami, 6 muaj para fillimit te protestave
Burimi/Facebook
Leave a Reply