…Ne duhet të pranojmë se disa njerëz nuk janë bërë për biseda të thella…
As për të na mbajtur përdore gjatë çasteve kur bota na rrëzohet nën këmbë…
As kur shkatërrohemi keqazi dhe zhvoshkim madje lëkurën prej hidhërimi…
As për të na tërhequr nga vendimi më fatal…
As të na duan pakushte kur përshkojmë vetëm momentet më të këqija të jetës…
Disa njerëz janë bërë për shkëmbime të cekëta dhe qesharake…
Asgjë më shumë…
Hej, kjo është në rregull…
Kjo nuk i bën njerëz të tmerrshëm…
Ata thjesht nuk janë në gjendje ta trajtojnë një stuhi si ne…
Por dhe dijenia jonë për kapacitetin e tyre dhe mbajtja pranë,
nuk na bën as ne persona të këqinj,
përkundrazi…
Ne thjesht, duhet të jemi të zgjuar…
Duhet të pranojmë se do të ketë njerëz në jetën tonë,
me çfarëdo statusi,
që nuk mund të na japin atë që na duhet…
Duhet vetëm të kuptojmë në kohë se kush janë këta njerëz,
të cilët i kemi pjesë të ditëve tona,
para se të na zhgënjejnë,
dhe t’i mbajmë larg gjer në gjatësinë e krahut…
Jo t’i përjashtojmë…
Nuk duhet të presim mirëkuptim nga të gjithë…
As të jemi të kuptuar prej tyre…
Jo…
Dhe prapë duhet të jemi të kurajshëm të themi..
Gjithçka është në rregull!!
Jo të gjithë janë euriditë…
jo të gjithë janë të prerë për kostumin tonë…
Jo të gjithë kanë dellin poetik…
Që mund ta adhurojmë…
Jo të gjithë merakosen për shthurjen e shoqërisë…
Apo vramendjet e politikës…
Jo të gjithë mprihen të diskutojnë tema të mëdha…
Ashtu siç ka dhe raste..
Kur ne duhet të rrimë larg nga të gjitha…
Nga trishtimi sidomos…
Dhe do duhet të bëjmë biseda sipërfaqësore në lidhje me Kim Kardashian!!
Ose të debatojmë për kombinimet e veshjeve!!
Ngjyrat, copat, modelet…
Të rrëmbehemi nga tifozllëku i çmendur…
Të lëshohemi rrugëve dehshëm…
Duhet të jemi një nga ata…
Pra, toleranca na shpëton ne dhe miqtë tanë…
Ne, kemi nevojë për njerëz të të gjitha stinëve…
Për të plotësuar jetën tonë…
Burimi/Facebook
Leave a Reply