Trafikanti, spiuni, pergjuesi dhe i dyshuari Arben Imami perpiqet te shese shtrenjte krimet e tij deri tek Rasmusen, kreu i NATO-s, duke improvizuar nje torte dhe festim per 100 Vjetorin. Sigurisht kjo behet per t’i thene shqiptareve me imazhe se ja dhe Rasmusen i do kriminelet dhe i mbeshtet ata, ndaj opozita nuk ka te drejte te nxjerre dokumente trafiqesh e shitjesh, blerje armesh per vrasje dhe pajisjesh per pergjime. pertej kesaj butaforie qendron ministri aktor qe ditet e pushtetit dhe te lirise i ka te numeruara, ashtu sic po numerohen edhe ditet e festave….Me poshte lajmi i servirur nga mediat qeveritare qe marrin miliona euro reklama e prona prej Imamit, qe shume shpejt do rikthehen ne origjinen e tyre pasi i jane grabitur pasurise se popullit.
Lajmi i medias qeveritare ABC
Me rastin e 100-vjetorit të Pavarësisë së Shqipërisë, festimet u ndjenë dhe në selinë e NATO-s në Bruksel. Në ceremoninë e organizuar për këtë 100-vjetor një përshëndetje të veçantë u dha dhe nga Sekretari i Përgjithshëm i NATO-s, Anders Fogh Rasmussen.
Duke iu drejtuar ministrit të Mbrojtjes, z. Arben Imami, i cili ishte i pranishëm në këtë ceremoni, Sekretari i Përgjithshëm i NATO-s, Anders Fogh Rasmussen theksoi se anëtarësimi i Shqipërisë në NATO i tregoi botës se ideja e lirisë është e pathyeshme.
“Është një kënaqësi e madhe për mua që t’ju uroj ju dhe popullin shqiptar me rastin e 100-vjetorit të pavarësisë së Shqipërisë. 3 vjet e gjysmë përpara anëtarësimi i Shqipërisë në NATO i tregoi botës se ideja e lirisë është e pathyeshme. Me anëtarësimin në NATO, Shqipëria ka forcuar sigurinë e saj të brendshme dhe atë të NATO-s dhe të tërësisë së Aleancës Atlantike.
Së bashku me aleatët e tjerë të NATO-s, ju jeni angazhuar për mbrojtjen e sigurisë dhe vlerave tona të përbashkëta. Ky është angazhimi më solemn që njê shtet sovran mund të ndërmarrë. Shqipëria e ka treguar se mund ta kryejë këtë angazhim. Vendi juaj është një aleat i denjë. Ju keni dhënë një kontribut të rëndësishëm politik dhe ushtarak për Aleancên tonë. Ju keni luajtur një rol të rëndësishëm për stabilitetin rajonal dhe angazhimi juaj në Afganistan ka qenë provë e fortë e përkushtimit tuaj për të mbrojtur sigurinë e Aleancës. Ne jemi të gëzuar të kemi një Shqipëri të lirë, të sigurtë dhe të angazhuar si anëtar i Aleancës. Ju uroj ju dhe popullit të Shqipërisë një ditë të lumtur dhe të sigurtë të pavarësisë”, ka përfunduar përshëndetjen e tij z. Rasmussen.
Në fjalën e tij përshëndetëse ministri i Mbrojtjes, z. Arben Imami u shpreh se historia e Shqipërisë është një histori e luftës dhe përpjekjeve të mëdha për të mbijetuar dhe ruajtur identitetin kombëtar.
“Jam shumë i gëzuar që ndodhem sot këtu për të festuar bashkërisht me ju përvjetorin e themelimit e shtetit të pavarur shqiptar në selinë qendrore të NATO-s. 100 vjet më parë themeluesit e shtetit shqiptar deklaruan pavarësinë dhe hodhën bazat e para të shtetit modern. Perspektiva e atij shteti ishte qartësisht e orientuar drejt familjes natyrale të cilës i përkiste, familjes së madhe europiane. Historia e Shqipërisë është një histori e luftës dhe përpjekjeve të mëdha për të mbijetuar dhe ruajtur identitetin kombëtar. Si pasojë e kësaj historie, Shqipëria mbeti për një kohë të gjatë në skajet e zhvillimeve moderne në Europë. Por shqiptarët për asnjë moment nuk hoqën dorë nga perspektiva e tyre europiane.
100 vjet pas shpalljes së Pavarësisë, theksoi ai, Shqipëria është anëtare e Aleancës më të madhe politiko-ushtarake të kohëve moderne. Mbështetja e publikut ndaj Aleancës arrin shifra rekord, duke kaluar atë të 90 përqind të popullsisë. Shqipëria e sotme është më afër anëtarësimit në Bashkimin Europian dhe shquhen arritje të qartë në të gjitha fushat, si në atë të konsolidimit të lirive dhe të drejtave të njeriut, reformave politike, zhvillimit ekonomik dhe shumë fusha të tjera. Shqipëria është një faktor stabiliteti në Ballkan duke luajtur rol konstruktiv në të gjitha politikat rajonale dhe jep kontributin e saj për paqen dhe sigurinë globale. Ne jemi të vendosur të ecim përpara në këtë drejtim. Ne jemi të vendosur që ta bëjmë Shqipërinë ashtu siç aspiruan themeluesit tanë. Edhe një herë, shumë faleminderit që u bashkuat me ne në këto momente të gëzuara!
Në ceremoninë e zhvilluar me rastin e 100-vjetorit të Pavarësisë së Shqipërisë në selinë e NATO-s nuk mund të mungonte dhe torta me simbolin kombëtar shqiptarë.
Per”Alba – Dansk” shkodrani
Leave a Reply